Ardian Ismajli
TIRANË- Kombëtarja e Shqipërisë ka marrë një lajm të keq në prag të ndeshjes kualifikuese të Botërorit ndaj Serbisë. Mbrojtësi kuqezi i Torinos, Ardian Ismajli pësoi dëmtim në ndeshjen e kësaj të hënë ndaj Parmës, duke u detyruar të largohet nga fusha në minutën e 77-të.
Bëhet fjalë për një lëndim në kofshën e djathtë dhe do të jenë analizat mjekësore ato që do të tregojnë diçka më shumë rreth situatës. Ismajli mungoi në fillimin e kampionatit për shkak dëmtimi, ndërsa tashmë fati i keq po e ndjek sërish.
Ndërkohë që përpara është sfida delikate e Kombëtares me Serbinë, e cila është vendimtare për kuqezinjtë. Në tetor do të vendoset, nëse Shqipëria do të vazhdojë të ëndërrojë për t’u kualifikuar në Botërorin 2026./ZËRI
Poll
