GJERMANI- Ndeshja Gjermani-Danimarkë u ndërpre për disa minuta në pjesën e parë për shkak të kushteve atmosferike dhe rrufeve në Dortmund, teksa ishin danezët ata që e kërkuan ndërprerjen te kryesori Oliver.
Rrufetë, njëra pas tjetrës e kanë shoqëruar këtë sfidë, duke bërë që të ketë panik në stadiumin “Signal Iduna Park”. Fillimisht, arbitri i dërgoi lojtarët në stol dhe pas një kondultimi, vendosi t’i mbyllë ata në dhomat e zhveshjes. Por ekziston një arsye e fortë, pse u vendos ndërprerja e lojës.
Trajneri Hjulmand kur ka qenë trajneri i Nordsjaelland dhe në vitin 2009, lojtari i tij në atë kohë, Xhonatan Rihter humbi njërën këmbë dhe qëndroi për afro dy javë në koma pasi u godit nga rrufeja në takimin Hvidovre-Nordsjaelland. Një arsye e fortë që në fund u aprovua edhe nga arbitri dhe pasi gjendja u stabilizua në Dortmund ndeshja rifilloi përsëri./ZËRI
