TIRANË- Prokuroria e Posaçme Antikorrupsion (SPAK) i ka komunikuar mbylljen e hetime ish-kreut të Autoritetit Rrugor Shqiptar (ARRSH), Ervis Berberit. Ish-kreu i ARRSH-së është marrë i pandehur për shkelje të barazisë së pjesëmarrësve në tendera në 9 raste, për dosjen "Balluku".
Berberi është një nga 26 të pandehurit në dosjen që lidhet me ish-zv.kryeministren Belinda Balluku, çështje për të cilën, gjatë këtyre ditëve po u komunikohet të gjithë të dyshuarve mbyllja e hetimeve.
Evis Berberi u arrestua më 14 mars 2024, në akuzë për korrupsion dhe pastrim parash. Sipas Prokurorisë së Posaçme, Berberi rezulton i përfshirë në raste korruptive me tendera. Materialet e gjetura në telefonin e tij çuan Prokurorinë edhe te ish zv kryeministrja Belinda Balluku, e cila tashmë është marrë e pandehur për shkelje të barazisë në tenderin e tunelit të Llogarasë, si dhe nën hetim për 7 Lotet e Unazës së Madhe./ZËRI
