TIRANË-Gjykata e Korçës ka caktuar masën e sigurisë "arrest me burg" me afat 40 ditë për tre të akuzuarit, Alti Nallbatin, Marsel Buçin dhe Trajan Çelikun, të cilët morën peng dhe dhunuan 32-vjeçarin në Devoll, Ilir Topçiu. Ata u arrestuan pak ditë më parë pasi rrëmbyen Ilir Topçiun në banesën e tij dhe e dhunuan në ambientet e një biznesi. Burime bëjnë me dije se 32-vjeçari, i cili ishte në "arrest shtëpie", është telefonuar nga autorët për të dalë jashtë në oborr, ku më pas është marrë me forcë nga të arrestuarit. Por, kjo nuk është hera e parë që Alti Nallbati, vëllai i deputetit demokrati, Bledion Nallbati, ka probleme me drejtësinë. Ai u përfshi edhe në një tjetër incident gjatë fushatës zgjedhore 2025. Incidenti ndodhi mbrëmjen e 3 majit, ku deputeti i PD Bledion Nallbati dhe vëllai i tij, Alti Nallbati u konfliktuan me një shofer kamioni. Shkak i konfliktit u bë një aksident, i cili nuk ndodhi.
/ZËRI
