VLORË- Gjatë zhvillimit të mbledhjes së Këshillit Bashkiak të Vlorës këtë të hënë, dy të rinj kanë hyrë në ambientet e sallës ku po mbahej takimi, dhe janë përplasur me të zgjedhurit lokal. Njëri prej tyre ka ndërhyrë në mbledhje duke hyrë në konflikt verbal me këshilltarët.
Ai ka nisur të debatojë me ta, duke i ofenduar dhe sharë, ndërsa pretendon se nuk i janë dhënë paratë e shpronësimit të pronës së tij. Pas daljes nga salla ai është shprehur shkurtimisht për mediat se në të njëjtën situatë me të ndodhen edhe rreth 25 persona të tjerë. Menjëherë pas sinjalizimit, punonjësit e policisë kanë bërë shoqërimin e të riut drejt ambienteve të komisariatit.
View this post on Instagram
Qytetari: Të gjithë mashtruesa jeni
Këshilltari demokrat: Avash ti mo, se nuk jemi të gjithë njësoj
Qytetari: Kemi 5 vjet mo që presim, jam vlonjat dhe nuk ka njeri shanse në botë, kaq po ju them… Njerëz të pamoralshëm.
/ZËRI
