VLORË-Dhunohet avokati Kujtim Cakrani në Vlorë. Mësohet se avokati i kreut të Partisë së Lirisë, ndodhet në Spitalin e Vlorës duke marrë ndihmë mjekësore i shtruar në repartit të kirurgjisë. Raportohet se Cakrani është konfliktuar me persona të tjerë në një pikë karburanti ku dhe e kanë goditur me derën e automjetit në fytyrë. Policia njofton se shkak i sherrit është bërë parkimi i automjetit të avokatit.
Njoftimi i policisë:
Rreth orës 13:30, në rrugën Tranballkanike, pranë një karburanti, gjatë kohës që do furnizonte automjetin me karburant, shtetasi K.C., 55 vjeç, me profesion avokat, është përfshirë në një konflikt me dy persona ende të paidentifikuar.
Konflikti, që paraprakisht dyshohet se ka të bëjë me pozicionimin e automjetit në pikën e furnizimit dhe bllokimin e mjeteve të tjera, është përshkallëzuar, dhe dy personat ende të paidentifikuar e kanë goditur fizikisht shtetasin K.C., i cili po merr ndihmë mjekësore në spital.
Nga veprimet e para hetimore është bërë e mundur identifikimi i automjetit me të cilin janë larguar dy shtetasit. Grupi hetimor, nën drejtimin e Prokurorisë, po punon për zbardhjen e plotë të rrethanave të ngjarjes, si dhe për identifikimin dhe kapjen e autorëve./ZËRI
