SHBA- Një aksidenti tragjik i ka marrë jetën dy të rinjve shqiptarë në SHBA. Samira Xhaferi (27) dhe Albi Çela (30), të fejuar, humbën jetën në një aksident automobilistik në Cleveland, Ohio.
Samira ishte studente e doktoraturës, ndërsa Albi pranë përfundimit të studimeve në drejtësi. Sipas familjarëve, ata njiheshin për mirësinë, përkushtimin dhe ëndrrat që po ndërtonin së bashku.
Është hapur një GoFundMe për transportimin e trupave në Shqipëri dhe mbulimin e shpenzimeve të varrimit.
Albi Çela ka qenë një prej themeluesve të lëvizjes “Diaspora për Shqipërinë e Lirë”. Sipas miqve të tij, “Albi ishte kontribuesi kryesor në modelin e parë të lëvizjes për Votimin dhe Përfaqësimin e Diasporës, ura jonë e parë lidhëse me botën e të drejtave të njeriut, duke e lidhur lëvizjen asokohe me Komisioneren për të Drejtat e njeriut pranë Këshillit të Evropës. Një penë e rregullt në Exit Neës dhe ndër të parët që krijoi një Podcast rreth "Të drejtës Ligjore" në Shqipëri, ku zëra publikë të fushave të ndryshme ndanin pikëpamjet dhe shqetësimet e tyre rreth Shtetit Ligjor dhe zhvillimeve politike në Shqipëri”.
NJOFTIMI I FAMILJARËVE
Ndihmoni të Sjellim Samirën dhe Albin në Shtëpi, në Shqipëri
Të martën, më 11 nëntor, e dashura jonë Samira Xhaferi dhe Albi Çela, të fejuar, humbën jetën në një aksident tragjik automobilistik në Cleveland, Ohio. U larguan nga jeta shumë herët, Samira vetëm 27 vjeç dhe Albi 30 vjeç.
Samira ishte një studente e përkushtuar e doktoraturës në Cleveland State University, e admiruar për inteligjencën, kureshtjen dhe vendosmërinë e saj. Albi ishte në përfundim të studimeve të tij në Cleveland State University Laë dhe po përgatitej për provimin e jurisprudencës. Të dy ndanin dashurinë për leximin, për të mësuarin dhe për botën e Harry Potter që ushqente imagjinatën e tyre.
Më shumë se çdo gjë tjetër, Samira dhe Albi njiheshin për ngrohtësinë dhe mirësinë e tyre. Ata i bënin të gjithë rreth tyre të ndiheshin të vlerësuar dhe të dashur. Humbja e tyre ka lënë një boshllëk të madh në jetët e familjeve dhe komunitetit të tyre.
Ky fond është ngritur për të ndihmuar familjet e tyre me transportimin e Samirës dhe Albit në Shqipëri dhe për të mbuluar shpenzimet e varrimit dhe përkujtimit. Çdo kontribut, pavarësisht madhësisë, do të ndihmojë në lehtësimin e barrës financiare gjatë kësaj kohe të dhimbshme.
Ju lutemi, merrni në konsideratë të dhuroni ose ta ndani këtë faqe për të nderuar kujtimin e dy njerëzve të jashtëzakonshëm që prekën kaq shumë jetë me dhembshurinë dhe dritën e tyre.
Faleminderit për mbështetjen dhe mirësinë tuaj.
