TIRANË-Një taksist i kthyer në korrier droge është arrestuar në Tiranë. Gjatë kontrollit të ushtruar në bulevardin “Zhan D’ark”, policia i gjeti dhe sekuestroi 12 doza kokaine, të cilat dyshohet se do të shiteshin në kryeqytet. Taksisti, Rigers Xhomaqi akuzohet për shpërndarje të lëndeve narkotike.
"Specialistët për Hetimin e Narkotikëve arrestuan shtetasin R. Xh., 43 vjeç, pasi në bulevardin “Zhan D’ark”, gjatë kontrollit të automjetit taksi që drejtonte, shërbimet e Policisë gjetën e sekuestruan 12 doza me lëndë narkotike të dyshuar kokaine.”, thuhet në njoftimin e policisë.
Por ky nuk është rasti i pari, ku në dokumentarin e publikuar në shkurt të vitit 2024, ZËRI ka provuar në disa dhjetra raste shitjen e kokainës lirisht në Tiranë, kryer nga individë që punojnë si shoferë taksish në kompani të caktuara.
/ZËRI
