PEQIN- Dy ditë më parë në Peqin ndodhi një plagosje me armë zjarri në lagjen “Xhami”. Gjatë një konflikti për motive të dobëta, një 26-vjeçar plagosi me armë zjarri një 41-vjeçar në këmbë. Policia njofton se për këtë ngjarje është arrestuar një 55-vjeçar, pasi ai ka fshehur regjistrimet e kamerave të banesës së tij pranë vendngjarjes, me qëllim fshehjen e krimit.
Ndërsa, efektivët po vijojnë punën për kapjen e autorit, i cili u arratis nga vendngjarja.
-
Plagosje me armë zjarri në Peqin, shpallet në kërkim autori
24 Tetor, 23:18
“Vijojnë veprimet hetimore për dokumentimin me prova ligjore të ngjarjes së ndodhur 2 ditë më parë, në lagjen Xhami, ku një 26-vjeçar, për motive të dobëta, tentoi të vriste me armë zjarri, një 41-vjeçar. Vihet në pranga një shtetas pasi nuk ka kallëzuar krimin dhe ka hequr dhe fshehur dvr-n e kamerave, të subjektit të tij në afërsi të vendit të ngjarjes.
Në vijim të veprimeve hetimore të pandërprera, lidhur me ngjarjen e ndodhur në lagjen “Xhami”, ku 26 vjeçari, gjatë një konflikti për motive të dobëta, plagosi me armë zjarri në këmbë, shtetasin nje 41 vjeçar, strukturat për Hetimin e Krimeve të DVP Elbasan arrestuan në flagrancë shtetasin:
– S. Ll., 50 vjeç, banues në Peqin, për veprat penale “Moskallëzimi i Krimit” dhe “Veprime që pengojnë zbulimin e së vërtetës”, pasi 50 vjeçari nuk kallëzuar për krimin dhe ka hequr dhe fshehur dvr-n e kamerave të subjektit të tij, i cili ndodhej afër vendngjarjes.
Vijojnë hetimet e thelluara për zbardhjen e plotë të kësaj ngjarjeje dhe kapjen e autorit të dyshuar, të shpallur në kërkim për veprat penale “Vrasja me paramendim”, mbetur në tentativë dhe “Mbajtja pa leje dhe prodhimi i armëve, armëve shpërthyese dhe municionit”. Materialet procedurale i kaluan Prokurorisë për veprime të mëtejshme”, njofton policia. /ZËRI
