GRAMSH- “Nelsa shpk” në pronësinë dhe administrimin e Elsa Kamberi/Balla është kompania që ka lidhur kontratë me Bashkinë Gramsh për furnizimin me ushqime të kopshteve dhe çerdheve publike në këtë qytet.
Tenderi është fituar në vitin 2023 dhe rezulton i shënjuar me flamur të kuq nga Open Procurement.
Megjithatë ky nuk është i vetmi tender pasi kjo kompani rezulton se të njëjtin shërbim e ofron thuajse në të gjitha spitalet e vendit dhe institucione mjaft të rëndësishme në Tiranë.
ZËRI ju liston më poshtë edhe dokumentet për tenderat në fjalë:
Çfarë ka ndodhur sot në Gramsh?
Rreth 70 fëmijë kanë përfunduar të helmuar pasi kanë ngrënë drekën në kopshtin publik nr.1 në Gramsh. Ngjarja ka ndodhur të martën, por është raportuar vetëm sot në media, pasi institucionet e kanë mbajtur të fshehtë. Një pjesë e fëmijëve kanë qëndruar për ditë të tëra në spital me simptoma si vjellje, temperatirë, diarre dhe ethe. Analizat që janë bërë tregojnë se fëmijët janë helmuar nga bakteri i salmonelës.
