TIRANË- Halil Uçar, 39-vjeçari turk mbeti i plagosur mbrëmjen e djeshme pas një atentati në zonën e Saukut të Vjetër, Tiranë. Sipas burimeve, një sherr që ka nisur që në Turqi dyshohet të jetë shkaku i atentatit të mbrëmjes të së hënës. Burime bëjnë me dije se i plagosuri dhe autori, kishin pasur një sherr disa ditë më parë, ndërsa mbrëmjen e djeshme do të sqaroheshin.
39-vjeçari turk është qëlluar me një plumb në shpatull ku mbeti i plagosur, ndërsa mësohet se autori ka tentuar disa herë të qëllonte ndaj shënjestrës, por i është bllokuar shënjetra. I plagosuri është dërguar për ndihmë mjekësore në një spital privat në Tiranë, ku ndodhet jashtë rrezikut për jetën.
Ai pritet të që paraditen e sotme të merret në pyetje nga grupi hetimor për të zbuluar më tej detajet e ngjarjes, shkakun dhe nëse ka të tjerë të përfshirë. /ZËRI
