SHKODËR- Një tjetër video është publikuar nga atentati me tre të vrarë dhe një tjetër të plagosur në Shkodër. Në pamjet e mëposhtme shihet një nga banorët që sheh viktimat e shtrirë në tokë dhe vendos duart në kokë. Videoja është regjistruar disa momente para se të mbërrijnë ambulancat dhe policia në vendngjarje, teksa shihen dhe banorët e tjerë duke u përpjekur të japin ndihmën e parë.
Pasditen e djeshme, 4 persona kanë komplotuar dhe realizuar vrasjen e Hamza Licit, vëllait të Ibrahim Licit. I riu, vetëm 23 vjeç ndërroi vend menjëherë nga plumbat e marrë, ndërsa shoku i tij, Arlind Bushati ndërroi jetë disa orë më vonë në spital. Djali i ish-kandidatit të Partisë Demokratike për Bashkinë e Shkodrës kishte marrë një plumb në kokë. Kjo masakër i kushtoi jetën edhe një kalimtareje të rastit, Flutura Bashës. Kjo e fundit po shkonte në shtëpi me të shoqin, kur motoçikleta e tyre u përplas nga "Benzi" i Licit që kishte humbur jetën në timon. Flutura ndërroi jetë në vend, ndërsa Bashkim Basha ndodhet në spital në gjendje të rëndë. Tashmë ka nisur aksioni për kapjen e autorëve, por deri më tani pas ka mbetur vetëm makina e tyre e djegur. /ZËRI
