FRANCË- Gjykata e Meuse Assize dënoi një shqiptar me 20 vite burg pasi e gjeti fajtor për një akuzë të rëndë, për përdhunimin e vajzës së tij. Sipas mediave të huaja, shqiptari nga Kosova, rreth 50 vjeç, kishte nisur që të abuzonte me fëmijën e tij kur ajo ishte vetëm 13 vjeç. Abuzimi ndaj saj ka nisur nga viti 2010 deri në vitin 2020.
Krahas dhunës seksuale, vajza e re ka qenë edhe viktimë e dhunës fizike dhe kanosjes me jetë.
"Një tiran, pervers, manipulues, egocentrik, jashtëzakonisht i ftohtë,”-kështu e përshkroi prokurori i përgjithshëm, Sofian Saboulard, babain e viktimës.
Por pavarësisht pretendimeve, ai i mohoi të gjitha akuzat e ngritura ndaj tij. Për të vuajtur dënimin, 50-vjeçari do të kthehet në Kosovë, e do i ndalohet që të shkelë më në territorin francez./ZËRI
