TIRANË- Beso Ceno, vëllai i aktores Egla Ceno, e cila është pjesëmarrëse në Big Brother Vip Albania ka folur këtë të premte rreth deklaratave të Eglës se do të padiste në polici për ngacmim Julian Dedën dhe Meriton Mjekiqin. Ceno tha se ai dhe familja e tij nuk do të bëjnë asnjë denoncim, ndërsa shtoi se Egla e ka bërë atë deklaratë në tension e sipër për shkak të situatave që ndodhen. Deklaratën Beso Ceno e bëri i ftuar në “Shqipëria Live”.
Pyetje: Ajo ka folur për denoncim do ketë një të tillë?
Beso Ceno: Jo atë e ka thënë në tension e sipër, ka thënë nëse do ishim jashtë, nuk duhet të ndodhë në një emision të tillë.
Egla, Juli dhe Meritoni prej ditësh janë përfshirë në tensione të forta me njëri-tjetrin ku nuk kanë munguar fjalët ofenduese. Në një moment Egla deklaroi se nëse do të kishte mundësi do të padiste Julin dhe Meritonin për ngacmim. Ndërsa për Meritonin tha se e ka ngacmuar seksualisht. Sa i përket deklaratave për Julin, Egla në një moment i përmend dhe familjen. Aktori Deda iu drejtua duke i thënë se duhet ti kërkojë falje./ZËRI
