LEZHËS – Fatbardh Ismaili, 30 vjeç, i arrestuar nga policia e Lezhës, pasi tentoi të vrasë ish-deputetin socialist Armando Prenga, do të qëndrojë në burg. Këtë vendim e dha Gjykata e Lezhës. Në seancën gjyqësore të mbajtur me dyer të mbyllura, gjykata ka pranuar kërkesën e Prokurorisë, duke lënë në qeli të riun.
Fatbardh Ismaili akuzohet për dy vepra penale “Vrasje me dashje’, mbetur në tentativë” dhe “Mbajtja pa leje dhe prodhimi i armëve, armëve shpërthyese e municioneve”.
Shkak për konfliktn dyshohet se është bërë fakti se babai i Fatbardh Ismailit, Nislami, është konfliktuar me vëllanë e Armando Prengës. Konflikti mes tyre ka nisur në një qendër për numërimin e votave më 2023. Në konflikt dyshohet se është përfshirë edhe ish-ligjvënësi socialist Armando Prenga. Ai ka bërë sherr verbal me Islam Ismailin.
-
Tentoi të vrasë ish-deputetin, arrestohet autori
4 Shkurt, 18:53 -
Pas këtyre sherreve, një ditë më pas, më 2023, Fatbardh Ismaili, ka qëlluar me pistoletë në drejtim të automjetit të ish-deputetit Armando Prenga, në kohën që ky i fundit po udhëtonte me makinë për në fshatin Fushë-Kuqe. Nga të shtënat me armë fatmirësisht nuk kishte të lënduar, por vetëm dëme materiale. Autori i ngjarjes u largua më pas me një mjet tip Mercedez Benz./ZËRI/
