TIRANË- SPAK ka vendosur që të thërrasë si dëshmitar për çështjen “Gërdeci” Shkëlzen Berishën dhe Aldo Bumçin, ish-ministër drejtësie në kohën kur ndodhi tragjedia që iu mori jetën 26 personave. Së bashku me ta në procesin e rihapur për dosjen Gërdeci do të merren në pyetje dhe 50 dëshimtarë të tjerë, nga 90 që kishte kërkuar fillimisht mbrojtja e Fatmir Mediut.
Seanca e radhës për çështjen Gërdeci do të mbahet të premten e ardhshme, në datën 29 Shtator, ku dhe vetë Mediu do të merret në pyetje si i pandehur. Në tragjedinë e Gërdecit humbën jetën 26 persona, ndërkohë që në këto 15 vite që kanë pasuar familjarët e viktimave kanë këmbëngulur që SPAK të zgjerojë rrethin e personave të hetuar, duke përfshirë Mediun dhe politikanë të tjerë të kohës.
Shkëlzen Berisha dhe Aldo Bumçi janë thirrur nga SPAK në cilësinë e dëshmitarëve, ndërkohë që për djalin e ish-kryeministit kjo nuk është hera e parë që do të ngjisë shkallët e SPAK në lidhje me çështjen Gërdeci. Pak muaj më parë, Berisha dha një dëshmi përpara hetuesve të SPAK ku pretendonte se nuk kishte asnjë rol në shpërthimin që ndodhi në fabrikën e demontimit të armëve.
SPAK ka marrë në shqyrtim një shkesë që mbante emrin e Shkëlzen Berishës dhe u gjet asokohe pikërisht në zyrat e ministrisë së drejtësisë që drejtohej nga Bumçi, por sipas djalit të ish-kryeministrit bëhet fjalë për një dokument të falsifikuar.
“Më bën përshtypje fakti që e njëjta çështje para 15 vitesh nuk e ka parë të arsyeshme thirrjen time, sot mendojnë se unë mund të kem dijeni pas 15 vitesh. Prokuroria duhet të hetojë kush e ka bërë atë shënim. Nuk kam asnjë lidhje me këtë çështje. Mendoj që prokuroria duhet të thotë e kujt është kaligrafia nëse nuk është falsifikim, sepse në origjinalin e faksit nuk ekziston”, u shpreh Shkëlzen Berisha, pas marrjes në pyetje në muajin Qershor.
Berisha dhs sqarime dhe për rolin e tij me ministrin e Mbrojtjes në atë kohë, Fatmir Mediu. “Ka pasur komunikim të natyrës familjare. Jam pyetur edhe për këto dhe kam bërë të qartë që nuk kam asnjë lidhje sepse të komunikosh me dikë nuk do të thotë të jesh ortak me të. Çështja sipas mendimit tim është politizuar”, deklaroi më tej Berisha.
Mbetet për t’u parë nëse pas marrjes së tij si dëshmitar, ai do t’iu qëndrojë apo jo të njëjtave deklarata. Me rihapjen e dosjes Gërdeci edhe familjarët e viktimave janë marrë si palë në gjyq, ndërkohë që vetë Mediu ka hequr dorë nga gjykimi i shkurtuar, dhe ka kërkuar thirrjen e sa më shumë dëshmitarëve dhe personave që kanë dijeni për shpërthimin në fabrikën e demontimit të armëve.
-
Thirrja e Shkëlzen Berishës në SPAK, ish-kryeministri: S’do gjejnë asgjë
22 Shtator, 13:13
LISTA E PLOTË E DËSHMITARËVE:
1. Feruzan Durdaj
2. Zamira Durdaj
3. Afërdita Canga
4. Alketa Hazizaj
5. Fejzi Shehu
6. Rigon Durdaj
7. Mimoza Kruja
8. Mustaf Laçi
9. Hekuran Kaca
10. Shkëlqim Prini
11. Nikolin Hazizaj
12. Mirela Hazizaj
13. Drita Cani
14. Ramazan Alla
15. Uran Deliu
16. Mirela Dvorani
17. Ndue Nikolli
18. Adelina Cani
19. Ilir Kranja
20. Veiz Muço
21. Murat Zguri
22. Fejzi Shehu
23. Caje Ciku
24. Arta Prini
25. Qemal Mema
26. Zigur Canaj
27. Julian Pando
28. Petrit Behari
29. Zabit Cuku
30. Sadik Sula
31. Agim Vrana
32. Shaban Brahushi
33. Begator Mane
34. Bujar Nasufi
35. Patrick Corneilos Henry III
36. David Clark Hoëell
37. William Merrit Hard
38. Sidney Tison Macintyre
39. Rodney Spenser Taylor
40. Kol Dedgjonaj
41. Ismet Drenova
42. Ardian Mullahi
43. Plarent Ruka
44. Bardhyl Hoxha
45. Sokrat Papadhima
46. Viktor Përshqefa
47. Anila Lala
48. Liza Maksuti
49. Alma Zili
50. Anjola Agolli
51. Aldo Bumçi
52. Shkëlzen Berisha
/Zëri.ai
