TIRANË-Një ngjarje e rëndë ka ndodhur pak ditë më parë ku një 18-vjeçar abuzoi seksualisht me një 13-vjeçare, e cila ishte dhe shoqja e nuses së tij. Pas denoncimit në polici nga ana e së miturës, 18-vjeçari është vënë në pranga. Babai i të miturës ka folur për RTSH, ku ka deklaruar se familja e djalit, i cili ka abuzuar me të miturën po ia kërkon vajzën për nuse.
Ndërkohë 18-vjeçari rezulton i martuar. Ngjarja e rëndë ka ndodhur brenda komunitetit rom.
Zoti Qerim si e more vesh për ngjarjen që Klajdi kishte abuzuar me vajzën tuaj?
Unë pasi e mora vesh që vajzën e kishin thirrur në rajon, kur vajta atje mora vesh çështjen e Klajdit se çfarë ka bërë. Ne nuk kemi pasur asnjë lloj raporti, çun lagje, i martuar ka qenë.
Me kë jetonte vajza, me ty apo bashkëshorten?
Vajza jetonte dhe me mua dhe me bashkëshorten
Çfarë të tha vajza kur e takove pas ngjarjes?
Me ka përdhunuar me dhunë
Ku është vajza ka marrë shërbim social, është trajtuar me psikolog?
Po tani vajza ndodhet tek e motra në Selitë. Ata thonë se ne do ta marrim për nuse.
Kush thotë se do e marri për nuse?
E ëma e Klajdit, tani ishte me mua se për këtë problem kishte ardhur. Unë thash vazhdoni si është më e mira, nuk më pyetët, tani nuk keni pse më pyesni. Nuk kisha ç’ti thosha.
Vajza ka qenë e lidhur më para me Klajdin ka pasur raporte?
Nuk di gjë ajo më tha që më ka përdhunuar me dhunë. Nuk di gjë.
Po e ëma e Klajdit çfarë të tha, çfarë kërkonte nga ty?
Ajo më tha ne do ta marrim për nuse, por fillimisht të lirojmë djalin.
Ju jeni dakord që ta jepni vajzën për nuse pasi të dali nga burgu?
Tani përderisa ka bërë këtë ndoshta ka menduar ta marrë për nuse. Pavarësisht se ai ka qenë i martuar ka dhe një fëmijë nuk di ç’të them.
Ju jeni dakord që djali të ketë dy nuse apo të ndahet nga gruaja aktuale?
Ata thanë që atë nuse ne nuk e duam dhe do marrim gocën tende.
Ngjarja ka ndodhur dy ditë më parë në Tufinë, Tiranë. Në pranga ka rënë i riu me iniciale K.R, i cili rezulton të jetë i martuar. Ai gjithashtu përveçse ka abuzuar me 13-vjeçaren, ka dhunuar edhe bashkëshorten e tij.
Njoftimi i policisë:
Specialistët për Hetimin e Krimeve të Komisariatit të Policisë Nr. 4 arrestuan shtetasin: K.R, 18 vjeç, banues në Tufinë, pasi dyshohet se ka kryer marrëdhënie seksuale me një shtetase të mitur, pa dëshirën e saj, si dhe ka ushtruar dhunë ndaj bashkëshortes së tij.
/ZËRI
