ARAGON- Dy shqiptarë janë arrestuar në Aragon në Spanjë, pasi akuzohen për trafik droge. Mësohet se dy shqiptarët janë 25 dhe 35 vjeç. Hetimi nisi nga autoritetet spanjolle në fillim të nëntorit pasi u informuan për një “shtëpi bari” në një zonë industriale në qytetin Cuarte de Huerva. Gjatë hetimeve u zbulua se shqiptarët ishin përgjegjës si për kultivimin e marijuanës ashtu edhe për sigurinë e plantacionit. Gjithashtu dy të rinjtë nuk u larguan kurrë nga prona, duke u furnizuar nga anëtarë të tjerë me ushqime dhe materialie të nevojshme për rritjen e marijuanës.
Pjesa e brendshme e magazinës ishte modifikuar dhe ridizajnuar për të riprodhuar kushtet më të mira termike dhe lagështie, duke e kthyer atë në një fabrikë për të kryer disa korrje marijuanë në vit, duke strehuar të gjitha llojet e sensorëve të lagështisë, pajisjet e ajrit të kondicionuar dhe ventilimin, si dhe si sisteme të rëndësishme ndriçimi për të arritur këtë.
Dy shqiptarët kishin ndërtuar katër dhoma ku rritej një numër i madh i bimëve marijuanë, në gjendje të avancuar të lulëzimit, shumë prej tyre mbi dy metra lartësi, të cilat do të mblidheshin në ditët në vijim. Nga ana tjetër, objekti ishte lidhur në mënyrë të paligjshme me furnizimin me energji elektrike, duke zbuluar lidhjet e sofistikuara të paligjshme dhe duke u akuzuar, përveç kultivimit dhe përpunimit të marijuanës, për veprën penale të mashtrimit me energjinë elektrike. Gjatë operacionit, u arrestuan dy shqiptarët teksa u sekuestruan gjysmë ton marijuanë. /ZËRI
