TIRANË- Kolegji i Posaçëm të Apelimit (KPA) ka rrëzuar vendimin e Komisionit të Pavarur të Kualifikimit duke pezulluar nga detyra Juljan Çafkën. Në mbledhjen e sotme, KPA pranoi kërkesën e Komisionerit Publik për prokurorin e Gjirokastrës. Por po ashtu, Çafka do të jetë i detyruar që të ndjekë për 1 vit trajnim në Shkollën e Magjistraturës.
"Trupi gjykues i Kolegjit të Posaçëm të Apelimit, i përbërë nga Ina Rama kryesuese, Natasha Mulaj relatore, Albana Shtylla, Rezarta Schuetz, Sokol Çomo anëtarë, shpalli vendimin për çështjen nr. 72/2021, datë 23.11.2021, që i përket ankimit të Komisionerit Publik kundër vendimit të Komisionit të Pavarur të Kualifikimit nr. 442, datë 14.09.2021, që lidhet me subjektin e rivlerësimit Juljan Çafka. Në përfundim të gjykimit, trupi gjykues, bazuar në nenin Ë, pika 1, të Aneksit të Kushtetutës, nenin 44, shkronja “b” dhe në nenin 66, pika 1, shkronja “b” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, me shumicë votash, vendosi: -Ndryshimin e vendimit nr. 442, datë 14.09.2021 të Komisionit të Pavarur të Kualifikimit, që i përket subjektit të rivlerësimit Juljan Çafka. -Pezullimin nga detyra të subjektit të rivlerësimit Juljan Çafka për një periudhë njëvjeçare dhe detyrimin për të ndjekur programin e trajnimit, sipas kurrikulave të miratuara nga Shkolla e Magjistraturës,"- thuhet në vendimin e KPA të marë ditën e sotme.
Prokurori Çafka u konfirmua në detyrë nga Komisioni i Pavarur i Kualifikimit më 14 shtator të vitit të shkuar, pavarësisht disa denoncimeve të marra nga publiku, megjithatë Komisioneri Publik kundërshtoi. Kjo pasi pretendon se gjatë shqyrtimit të denoncimeve, u gjetën mangësi në hetimet e kryera, por nuk u konsideruan penalizuese sa për të humbur detyrën. Për Komisionerin Publik, e gjitha rregullohet me 1 vit trajnim në Shkollën e Magjistraturës./ZËRI
