ITALI- Detaje të reja janë zbardhur në lidhje me vrasjen e Kladiana Vefës, 35-vjeçares shqiptare në Itali, e cila u qëllua për vdekje nga ish-bashkëshorti. Dhe pse të ndarë Klodiana nuk e kishte hequr ish-bashkëshortin nga rrjetet sociale dhe ky i fundit i komentonte vazhdimisht.
Në një foto ku Klodiana shkruante:
“Kush të do nuk dorëzohet kurrë për të të pasur”
Ish-bashkëshgorti I saj komenton:
“Një si ty nuk mund të mos e dashurosh përjetë”.
35-vjeçarja punonte si kamariere në një restorant të zonës. Mbrëmjen e djeshme, Alfredi mësohet se kishte shkuar në shtëpinë e gruas dhe mes palëve kishte shpërthyer një zënkë. Më pas Klodiana kishte dalë nga shtëpia. Pikërisht në trotuar, pak metra më tutje u vra me 3 plumba pistolete, një prej të cilëve i mori jetën.
Ata që e gjetën trupin e pajetë të Klodianës në mes të rrugës ishin pikërisht fëmijët, që dolën bashkë me familjarë të tjerë të viktimës, pasi dëgjuan të shtënat. Përveç gëzhojave, në vendngjarje nuk është gjetur as arma e krimit, që besohet se vrasësi e mori me vete teksa u largua me makinë. Mësohet se autoritetet po analizojnë kamerat e sigurisë në zonë, me qëllim kapjen e tij./Zëri.ai
