ITALI- Roberto Saviano është ndër gazetarët, eseistët dhe aktivistët më të mëdhenj në Itali dhe Europë në luftën kundër mafias. Dje, pas vdekjes së Matteo Messina Denaro, shkroi gjatë për të në një artikull për "Corriere.it", duke u ndalur gjatë jo tek e shkuara e tij, që tashmë të gjithë e dinë, por edhe tek pasuria e bosit të "Cosa Nosta'. Ai shkruan se e bija pranoi që të merrte mbiemrin e tij vetëm për të marrë paratë, ndryshe nuk kishte asnjë mundësi tjetër. Por shumë nga paratë e grumbulluara të shefit mafioz, sipas gazetarit janë në Shqipëri. Se ku dhe si janë investuar...këtë nuk e di askush!
"U fol gjatë, disa ditë pas vdekjes së tij, Lorenza u bë Messina Denaro.. Ajo mori mbiemrin e babait të tij. Dhe si është e mundur, pas gjithë ofendimeve, pasi e keni krahasuar babanë tuaj me fjalët më të këqija të mundshme...? Epo, nuk ka asnjë arsye fisnike, nuk ka arsye tjetër përveç asaj që ekziston gjithmonë, ajo që lëviz çdo burrë dhe çdo grua, ajo që lëviz pothuajse çdo qenie njerëzore. Paratë!Prokurorët nuk do të mund të identifikojnë kurrë të gjitha paratë e Matteo Messina Denaro. Është gjithmonë një segment që mbetet të zbulohet, sidomos në lidhje me pasuritë materiale në Itali, por llogaritë e huaja, paratë e tij ndoshta në Shqipëri - zonë ku shpesh e kanë gjurmuar hetimet -, paratë në parajsat fiskale; ato nuk mund të arrihen kurrë. Epo, kujt do t'i shkojnë ato para? Vetëm për trashëgimtarët e njohur nga vetë shefi. Trashëgimia në Cosa Nostra nuk përputhet me ligjin, trashëgimia e një njeriu të nderuar nuk ndahet, nuk rregullohet, por i shkon kujtdo që thotë ai. Dhe mbi të gjitha nuk mund të shkojë tek asnjë fëmijë që nuk ka mbiemrin e babait. Paratë i ndan Cosa Nostra vetëm për një Messina Denaro. Këtu shpjegohet misteri. Lorenza, duke marrë mbiemrin e të atit, merr titullin për të menaxhuar kryeqytetin. Merr paratë...,"-shkruan ai ndër të tjera.
Roberto Saviano është ndër gazetarët, eseistët dhe aktivistët më të mëdhenj në Itali dhe Europë në luftën kundër mafias. Ai është autor i disa programeve televizive dhe librave bestseller në këto kauza, një prej tyre "Gomorra". Në dy vjet, "Gomorra" është përkthyer dhe botuar në 42 shtete 2006-2008, duke u bërë libri më i shitur në Gjermani, Angli, Holandë, Spanjë, Francë, Suedi dhe Finlandë "New York Times" e ka cilësuar si një nga librat më të rëndësishëm të 2007-ës. "Gomorra" fitoi pesë çmime "Oscar" në Akademinë e Filmit Evropian, si filmi më i mirë, regjia më e mirë, aktori më i mirë, skenari më i mirë dhe fotografia më e mirë.
Kush është Messina Denaro?
Bosi i Cosa Nostra-s, i arrestuar më 16 janar, u transferua më 5 shtator nga njësia e kujdesit intensiv, ku ishte shtruar për të menaxhuar pasojat e operacionit, në repartin e të burgosurve të ngritur brenda spitalit. Por dha jetë më 24 shtator.
Messina Denaro, për tre dekada me radhë, i kishte shpëtuar dënimit me burg për krimet e shumta që ka kryer, përfshirë masakrat e viteve ’92 dhe ’93. Ai tani po vuan burgimin e përjetshëm për të shlyer çmimin e krimeve të kryera. Ai ishte operuar për kancer në zorrën e trashë në vitet 2020 dhe 2022, përpara se të arrestohej. Gjithashtu në fund të qershorit, Drejtoria Italiane e Burgjeve e lejoi atë të linte qelinë për t’iu nënshtruar një tjetër ndërhyrjeje kirurgjike. Shtypi italian e cilëson Matteo Messina Denaro si “kumbari i fundit” i Cosa Nostra-s./Zëri.ai
