SHKODËR- Një ngjarje e rëndë ndodhi mesditën e djeshme në Shkodër, ku nëna me 4 fëmijë tentoi që të mbytej në lumin Buna, duke përsëritur skenarin e Alma Arrazit, e cila i dha fund jetës së bashku me tre të vegjlit e saj. Fatmirësisht ngjarja e rëndë është parandaluar nga efektivët e Policisë Shkodër.
Përkatësisht efektivët Lulash Lokthi, Valter Serraj, Avni Doda dhe Landi Malkaj me te marrë njoftimin ndërhynë menjëherë duke shmangur mrekullisht një tragjedi. Babai i 27-vjeçares në orën 14:00 minuta në datën 17 korrik telefoni pranë komisariatit të policisë së Shkodrës se vajza e tij e kishte telefonuar dhe i kishte thënë që po mbytej së bashku me 4 fëmijët.
Në një intervistë ekskluzive për Euronews Albania, efektivët rrrëfejnë momentin kur shpëtuan nënën me 4 fëmijët. Ata tregojnë se gruaja ishte ne gjëndje të rëndë psikologjike dhe mendore , i kanë nxjerrë në hije dhe i afruan tek një tek stol atje. Më tej pasi i kanë qetësuar i ofruan ndihmë.
“Rreth orës 14:00 nga salla operative dhe nga shefi i rendit për ti nisur në drejtim të “Urës së Bunës” është një informacion nga një qytetar, është një person më katër fëmijë tenton të hidhet në lumin Buna . Ne menjëherë kemi mbërritur tek vendi du bëhet fjalë dhe kemi konstatuar një grua me katër fëmijë të mitur”, deklaron Lulash Vokthi – efektiv i Patrullës së Përgjithshme në Shkodër.
“Gruaja ishte ne gjëndje të rëndë psikologjike dhe mendore , i kemi nxerrë hije, i kemi afruar tek stoli atje. I kemi qetësuar, i kemi theme hajdeni me ne, të ndihmojmë, do ju zgjidhim të gjitha problemet. Kishte tentuar të hidhej në ujë. I kemi marrë i kemi ulur aty, i kemi blerë disa molto, uje dhe i kemi shoqëruar tek komisariati i policisë. Puna jonë rreth 25 vite është një mision për ti ardhë në ndihmë qytetarëve”, deklaroi Vokthi.
-
-
-
MISTERI/ Pse 27-vjeçarja tentoi të vetëmbytet me 4 fëmijët e mitur
17 Korrik, 17:06
Ndërkohë nëna e 27-vjeçares, që fatmirësisht u arrit që të shpëtohej në kohë, ka treguar se vajza e saj ka qenë në process divorci. Shkak për zgjidhjen e kësaj martese pas 9 vitesh, është bërë sipas të ëmës, dhuna e vazhdueshme që bashkëshorti ushtronte ndaj të resë.
