TIRANË- ZËRI ka siguruar dosjen e SPAK ku janë zbardhur përgjimet nga Sky ECC mes bandave kriminale. Kështu në përgjimet e zbardhura, Ervis Martinaj i shkruan Marklen Hakës dhe i thotë se përse nuk e takon. Ndërkohë Tori Xheiçuka komunikon me Albert Zajen në orën 11:28:59 dhe e pyet se sa e ka targën automjeti Range Rover blu qe perdor Durim Bami. Zaja i tregon se do i ndjekë çdo lëvizje Durim Bamit me qëllim që ta vrasë. Ndërsa gjatë bisedës i shkruan se do ta zgjidhë çështjen dhe do e vrasë Bamin.
“Me date 19.09.2020 ora 18:45:00 Albert Zaja i tregon Tori Xheccukes se i ka shkruar Ervis Martinaj dhe i kerkon Torit te komunikoj me Ervisin. Albert Zaja i kerkon t'i beje ftese Tori Xheiccuka me kodin SkyECC te ri Ervis Martinajt. Me date 30.09.2020 Ervis Martinaj komunikon me shtetasin Marklen Haka dhe i kerkon qe te takohen dhe e pyet nese ke ndonje merak qe nuk vjen me me taku. Marklen Haka i pergjigjet qe nuk kam asnje merak tek ti, por ato (i referohet Durim dhe Valter Bami) jane te pa bese dhe jane problem per ty dhe per mua. Me date 11.10.2020 Tori Xheiçuka komunikon me Albert Zajen ne oren 11:28:59 dhe e pyet se sa e ka targen automjeti Range Rover blu qe perdor Durim Bami. Albert Zaja i tregon se Durim Bami ka marre nje Range Rover tjeter ngjyre te zeze me xhama te bardhe perpara. Zaja i tregon Tori Xheiçukes se diten e neserme e ne vazhdim do e shohe çdo levizje te Durim Bamit dhe do mesoje targat me qellim qe ta vrase. Albert Zaja ka derguar mesazhet "...Po jam dasem sot dhe neser emrapa do isho cdo levizje...Ati kurve dhe makinat ca targash ka...Dhe ta krym ate kurv...". Tori Xhei;:uka e orienton Albert Zajen qe te interesohet per makinen e Durim Bamit me targe "855", foto te se ciles Albert Zaja ja ka derguar kur e ka pare ne levizje ne zonen e Kamzes. Referuar verifikimeve te kryera ne sistemin TIMS ne rubriken hyrje-dalje per shtetasin Durim Bami nuk rezulton qe te kete udhetuar me automjet me targen 855”, thuhet në dosje./ZËRI
