KORÇË- Ilirjan Selmani, personi i dyshuar për vrasjen makabre të 52-vjeçares Kozeta Teço në Pogradec, ka mbërritur në ambientet e Gjykatës së Korçës nën masa të rrepta sigurie. Seanca do të zhvillohet në orën 12:00, ku Selmani do të dalë para togave të zeza për t'u njohur me masën e sigurisë.
Ngjarja e rëndë ndodhi më 28 korrik, ku 52-vjeçarja u vra në apartamentin e saj. I riu Ilirjan Selmani kishte prej 3 vitesh një lidhje intime me 52-vjeçaren Kozeta Teço, të cilën e vrau brenda banesës së saj në Pogradec. Dyshohet se mes çiftit të ketë patur një grindje të çastit dhe më pas i riu ka marrë thikën dhe i ka marrë jetën të dashurës së tij. Më pas, për të fshehur gjurmët, ai e dogji brenda në banesë. Por u identifikua nga kamerat e sigurisë./ZËRI
