POCOCI- Zyrtarët e burgjeve në Kosta Rika kapën një "të dyshuar" që nuk u merrte mendja! Për herë të parë kanë kapur një "narkomace". Ministria e Drejtësisë së Kosta Rikës zbuloi në një postim në rrjetet sociale se rojet në burgun Pococi kapën një mace duke u ngjitur mbi gardhin e institucionin e vuajtjes së dënimit. Macja u përdor për të kontrabanduar drogë tek të burgosurit.
Sipas një videoje të postuar në internet nga Ministria e Drejtësisë e vendit, rojet e burgut e kapën macen ndërsa ajo po ngjitej në majë të një gardhi me zinxhirë me tela me gjemba. Në trup asaj iu gjetën rreth 236 gramë marijuanë dhe rreth 68 gramë heroinë.
MOMENTI ME VIDEO:
View this post on Instagram
Zyrtarët thonë se po shqyrtojnë pamjet e sigurisë për të gjurmuar lëvizjet e maces përpara se të zbulohet nga rojet e burgut, në një përpjekje për të kuptuar se kush u përpoq të kontrabandonte drogën në qeli dhe për cilin nga të burgosurit ishte dërguar./ZËRI
