ROMË- Pas Spanjës, edhe Italia ka refuzuar të lejojë avionët amerikanë të ulen në një bazë në ishullin mesdhetar të Siçilisë për operacione që lidheshin me luftën kundër Iranit. Ministri italian i Mbrojtjes, Guido Crosetto deklaroi se kohët e fundit refuzoi t’i japë ushtrisë amerikane lejen për të përdorur aeroportin ushtarak “Sigonella” si një pikë ndalese për fluturimet e mëtejshme drejt Lindjes së Mesme.
“Burime pranë ministrisë në Romë e kanë konfirmuar këtë raport. Italia u informua për planet e SHBA-së vetëm pasi avionët ishin tashmë në rrugë dhe nuk ishte kërkuar asnjë autorizim paraprak, dhe as Italia, një partnere e NATO-s, nuk ishte njoftuar”, thuhet në artikullin e Corriere della Sera.
Detajet rreth llojit të fluturimeve të përfshira ishin të paqarta. Baza ajrore “Sigonella”, e vendosur pranë Katanias, në Siçilinë lindore, është bazë e Forcave Ajrore Italiane ashtu edhe një bazë e Marinës amerikane./ZËRI
