SHBA- Presidenti amerikan, Donald Trump planifikon të takohet me Presidentin rus, Vladimir Putin javën e ardhshme, i ndjekur nga një takim trepalësh që do të përfshijë Presidentin ukrainas, Volodymyr Zelensky, si pjesë e përpjekjeve për t'i dhënë fund luftës më shumë se trevjeçare midis Rusisë dhe Ukrainës.
Sipas një raporti të New York Times duke cituar dy persona të njohur me diskutime, Trump i zbuloi këto plane gjatë një telefonate me udhëheqësit evropianë të mërkurën. Takimet e propozuara do të përfshinin vetëm tre presidentët, pa praninë e përfaqësuesve evropianë.
Udhëheqësit evropianë, të cilët kanë punuar për të koordinuar përpjekjet për paqe, ndërkohë që mbështesin Ukrainën, duket se e pranuan qasjen e propozuar të Trump gjatë telefonatës.
Nuk dihet nëse Putin apo Zelensky kanë rënë dakord me planin që përshkroi Trump. Por Zelensky ishte në telefonatën e Trump me udhëheqësit evropianë, duke thënë në një deklaratë më pas se ai pati një "bisedë me Presidentin Trump" dhe se qëndrimi i tij dhe i udhëheqësve evropianë ishte se "lufta duhet të përfundojë", por "një fund i ndershëm"./ZËRI
