Tre persona u plagosën në një incident në një shkollë në Uells dhe një person u arrestua, tha policia. Autoritetet nuk thënë saktësisht se çfarë ndodhi në shkollë, por sipas uebsajtit të lajmeve WalesOnline, dy anëtarë të stafit u goditën me thikë gjatë një incidenti ku përfshiheshin dy studentë.
Kryeministri britanik Rishi Sunak tha se ishte "i tronditur" nga incidenti në shkollën Amman Valley në Ammanford, Uellsin jugor. Në postimin e tij në Platformën X ai ka falënderuar policinë dhe shërbimet e urgjencës për ndërhyrjen e tyre.
Kryeministri i Uellsit Vaughan Goetting, i cili është i afërt me Partinë Laburiste, foli për një "kohë veçanërisht shqetësuese për shkollën, familjet dhe njerëzit vendas".
“Shkollat duhet të jenë vende të sigurta ku ne mësojmë dhe zbulojmë. Është e trishtueshme dhe shqetësuese që sot mësuesit dhe studentët kanë parë sigurinë e tyre të shkatërruar nga një incident i dhunshëm”, komentoi lideri konservator i Uellsit, Andrew RT Davies./ZËRI
