GAZA – Ushtria e Izraelit ka hyrë tashmë në Gaza dhe ka nisur ‘operacionin’ e saj edhe në spitalet e enklavës.
Ushtria izraelite ka deklaruar se do të bëjë kontrolle në spitalet e Gazës, për të gjetur, siç thotë ajo, elemente të Hamasit që gjenden në to.
Cilat janë ngjarjet e fundit që kanë ndodhur në Gaza?
Një gazetar brenda spitalit Al-Shifa në qytetin e Gazës thotë se trupat izraelite janë brenda ndërtesës, duke shkuar dhomë më dhomë, duke marrë në pyetje pacientët e stafin dhe duke mbledhur burra në oborr.
Ushtria izraelite thotë se misioni i saj në Al-Shifa po vazhdon dhe trupat e saj po kërkojnë për infrastrukturën terroriste dhe armët e Hamasit.
IDF tha se kishte dorëzuar furnizime mjekësore, duke përfshirë inkubatorë, në spital, por një organizatë bamirëse mjekësore tha se inkubatorët nuk aq janë të nevojshëm – por karburanti po.
Shefi humanitar i OKB-së dhe drejtori i përgjithshëm i OBSH-së kanë shprehur shqetësimin për sigurinë e mjekëve dhe pacientëve, pas misionit të Izraelit në spital.
Rreth 25,000 litra karburant hynë në Gazën jugore përmes vendkalimit Rafah - dërgesa e parë e tillë që Izraeli ka lejuar që nga fillimi i luftës.
Izraeli ende po ndalon çdo karburant që të shpërndahet në spitale, pompa uji ose objekte sanitare.
Shiu i dendur ka filluar të bjerë në Gaza, për të cilin OKB thotë se do ta bëjë shumë më keq situatën e dëshpëruar për banorët e Gazës, të detyruar të largohen nga shtëpitë e tyre.
Hamasi sulmoi Izraelin, ndërsa ushtria izraelite ka hyrë tashmë në enklavë. Më tepër se 12500 njerëz kanë vdekur nga të dyja palët./Zëri.ai/
