GJERMANI- Sipas raporteve, policia gjermane do të prezantojë një plan të fuqishëm prej pesë pikash për të siguruar që janë të pajisura për t'u përballur me çdo kërcënim të sigurisë gjatë Kampionatit Evropian muajin e ardhshëm. Turneu i shumëpritur fillon në Mynih më 14 qershor me një përplasje mes mikpritësve dhe Skocisë në Allianz Arena.
Policia gjermane po rrit përgatitjet e saj dhe do të synojë veçanërisht pesë grupe terroriste, huliganë të dhunshëm, kriminelë, duke përfshirë dhe hajdutë sipas Bild. Gazeta pretendon se gjithsej 22,000 policë federalë do të vendosen në kufij, stadiume, zona të shikimit publik, aeroporte, stacione hekurudhore dhe zona të ndjeshme të infrastrukturës kritike çdo ditë.
25 mijë efektivë policie do të jenë në shërbim gjatë gjithë ndjeshjeve. Bild raporton se forcat e rendit janë veçanërisht të shqetësuar për rrezikun e huliganëve gjatë Kampionatit Evropian. Në mars, Mail Sport raportoi se mijëra tifozëve të futbollit u është ndaluar të ndjekin Anglinë në Gjermani nën një shtrëngim të qeverisë së Mbretërisë së Bashkuar.
Mbi 1600 tifozë, me urdhra ndalimi për të mos shikuar ndeshjet do të detyrohen të dorëzojnë pasaportat e tyre në polici nga 4 qershori deri në finalen e Kampionatit Evropian më 14 korrik, për t'u siguruar që nuk do të tentojnë të ndjekin ndeshjet. Kushdo që nuk dorëzon pasaportën e tij ose tenton të udhëtojë në Gjermani do të përballet me një gjobë të madhe ose burgim, me një dënim maksimal prej gjashtë muajsh.
Kompetencat e reja për të detyruar tifozët të dorëzojnë pasaportën u prezantuan pas një rritje të dhunës në lidhje me futbollin në vitet e fundit, me policinë që bëri 2,264 arrestime në ndeshjet e sezonit të kaluar dhe lëshoi 682 urdhra të rinj ndalimi, shifrat më të larta që nga viti 2011. Ndërkohë, Bild raporton se huliganët gjermanë po përgatiten për trazira, ku ngjarjen e shohin si një ‘lojë në shtëpi’ ku duhet treguar ‘prezencë’.
Një burim citohet të ketë thënë: 'Skena e huliganëve dhe ultra në veçanti ka një potencial në rritje për agresion dhe një prirje për dhunë. Veçanërisht larg vendeve zyrtare, duhet të priten veprime përçarëse, nëse krijohet mundësia.'
Si rezultat, grupet e tifozëve që janë veçanërisht armiqësore thuhet se do të vlerësohen brenda vendit si një "vijë e kuqe" gjatë Kampionatit Evropian, me masat e sigurisë që janë shtuar për të trajtuar kërcënimin. Do të përdoren masa të tilla si fjalimet kërcënuese, kërkesat për raportim, ndalimet e hyrjes në zona, dëbimet dhe ndalimi. Për më tepër, ngatërrestarët e dhunshëm të identifikuar nuk do të lejohen të blejnë bileta./ZËRI
