SPANJË- Udhëheqësi konservator i Spanjës, Alberto Nunez Feijo humbi mundësinë për të formuar një qeveri këtë të premte , duke i hapur rrugën kryeministrit socialist Pedro Sanchez për të kërkuar një marrëveshje me partitë separatiste për të siguruar një mandat të ri.
Feijo nuk arriti të sigurojë shumicën në një votim të dytë në dhomën e ulët prej 350 anëtarësh, me 177 deputetë që votuan kundër kandidaturës së tij dhe 172 pro. Ndërsa një votë doli e pavlefshme.
Të gjithë sytë janë tani tek përpjekja e socialistëve për të formuar një qeveri. Nëse përpjekjet e Sanchez dështojnë, zgjedhjet e reja parlamentare ka të ngjarë të mbahen në janar. Feijo u kishte thënë më herët deputetëve se e dinte se do të humbiste votimin e dytë.
“Mendoj, siç pritej, nuk do ta fitoj. Nëse dëshironi, mund ta quani dështim”, tha Feijo.
Ai kishte humbur votimin e parë të mërkurën.
“Sot nuk do të mund t’ju jap një qeveri, por ju kam dhënë garanci dhe shpresë”, shtoi ai./Zëri
