BEOGRAD- Goran Petronijeviç, avokati i Milan Radoiçiçit, biznesmenit kontrovers dhe tashmë nënkryetar në largim të Listës Serbe, tha sot në një konferencë për media se Radoiçiç pranoi përgjegjësinë për organizimin e konfliktit të armatosur në afërsi të Banjskës. Avokati ka lexuar njoftimin e Milan Radoiçiçit.
“Unë, Milan Radojiçiç, baba Rajko, i lindur në Republikën e Serbisë, për shkak të spekulimeve të shumta që janë shfaqur, ju njoftoj se bashkë me bashkatdhetarët kam ardhur në veri të Kosovës, në fshatin Banjskë. Arsyeja e kthimit tonë ishte inkurajimi i popullit serb. Njoftoj të gjithë në detyrë, që nga Kurti e deri te ndihmësit e shumtë të huaj, se kam përgatitur personalisht gjithçka që ka ndodhur. Për këtë nuk kam njoftuar askënd, as qeverinë e Serbisë, as nuk kam marrë ndonjë ndihmë prej tyre sepse tashmë kemi pasur qëndrime të ndryshme për çështjen e terrorit të Kurtit”, ka shkruar avokati nga deklarata e Radoiçiçit.
Ndërsa po sot, presidenti serb Aleksandër Vuçiç lajëroi se ai kishte hequr dorë nga pozicioni i tij në Listën Serbe.
Emri i Milan Radoiçiçit ishte në qendër të ngjarjeve në Kosovë, kur fundjavën e kaluar pati një konflikt të armatosur në afërsi të fshatit Banjskë. Se çfarë ka ndodhur saktësisht natën e së shtunës dhe të dielës dhe si kanë ndodhur të shtënat ende nuk është plotësisht e qartë, ndërsa praninë e nënkryetarit të Listës Serbe e ka konfirmuar edhe presidenti i Serbisë, Aleksandër Vuçiç.
Vuçiç më pas ka mohuar informacionet që kanë dalë në media se Radoiçiç është plagosur në këtë konflikt dhe ka shtuar se do të merret në pyetje para organeve kompetente në Serbi.
“Milan Radoiçiç nuk u fsheh kurrë, ajo që unë mendoj se është ndryshe dhe çfarë kjo nuk mund t'i kishte sjellë Serbisë”. Ai do t'i përgjigjet ftesës së autoriteteve të Republikës së Serbisë. Është në territorin e Serbisë qendrore. Ai nuk është i plagosur, e konsideron veten luftëtar për liri, por ka gjëra dhe pyetje të cilave duhet t'i përgjigjet”, tha Vuçiç pa specifikuar se nga cilat autoritete e ka marrë ftesën Radoiçiç dhe në çfarë cilësie.
Në konfliktin e 24 shtatorit mbetën të vrarë një polic i Kosovës dhe së paku katër persona të tjerë, prej të cilëve mediat publikuan emrat e tre serbëve, ndërsa dy ditë më parë u gjet edhe trupi i katërt, dyshohet se ky person ka qenë pjesë e një grup i armatosur./ Zëri.ai
