SHBA-Ish-diplomati amerikan, i cili kishte shërbyer si ambasador i SHBA-së në Bolivi, është deklaruar fajtor se ka punuar si agjent i Kubës për më shumë se 40 vjet.
Victor Manuel Rocha, 73 vjeç, u akuzua për përcjelljen e informacionit në mënyrë të fshehtë qeverisë kubane të drejtuar nga komuniste që nga viti 1981, ndërsa punonte për departamentin e shtetit të SHBA. Ai ndryshoi deklarimin e tij fillestar të pafajësisë në një gjykatë në Miami, shkruan BBC.
Rocha do të dënohet në një seancë dëgjimore më 12 prill. Ky është një nga rastet të profilit më të lartë midis Kubës dhe SHBA-së. Ai akuzohet për shkelje të Aktit të Regjistrimit të Agjentëve të Huaj duke vepruar si agjent i huaj, mashtrim dhe për deklarata të rreme për të marrë një pasaportë amerikane.
-
Akuzohet për spiunazh, arrestohet ish-ambasadori amerikan
4 Dhjetor, 12:10 -
Spiuni që tronditi qeverinë amerikane
13 Janar, 19:08
Si një diplomat i lartë, Manuel Rocha kishte akses në një mori informacionesh të fshehta dhe të ndjeshme të inteligjencës. Qeveria e SHBA-së tani po përpiqet të përcaktojë se sa prej këtyre informacioneve ua kaloi menaxherëve të tij kubanë ndërsa ishte në Departamentin e Shtetit.
Dëshmitë e regjistruara nga një agjent i FBI-së, i maskuar si një kontakt i qeverisë Kubane, e tregojnë atë duke përshkruar Shtetet e Bashkuara si “armik”, duke lavdëruar liderin e ndjerë kuban, Fidel Castro dhe duke u mburrur se ka ruajtur me sukses identitetin e tij të dyfishtë për dekada. Shumë vëzhgues mbeten të habitur se si ai mund të ishte ngritur kaq lart në shërbimin diplomatik të SHBA-së, ndërkohë që i shmangej zbulimit për kaq gjatë, ndërsa fshihte një të vërtetë të thellë, besnikërinë ndaj Revolucionit Kuban./ZËRI
