RUSI - Udhëheqësi i opozitës ruse Alexei Navalny bëri të martën deklaratën e tij të parë publike, që kur u zhduk për dy javë. Kjo pasi u transferua në një tjetër burg në Rusi, pranë zonës së Siberisë. Navalny, një kundërshtar i Presidentit rus Vladimir Putin, postoi një mesazh në X, duke dhënë detaje për transportin e tij për në Arktik.
Departamenti Amerikan i Shtetit ishte thellësisht i shqetësuar për mirëqenien e Navalnyt dhe tha se Rusia do të mbahej përgjegjëse për trajtimin e tij në paraburgim. "Jam mirë," tha Navalny në një postim të martën në mëngjes. “Jam plotësisht i lehtësuar që më në fund ia kam dalë”, tha ai.
Ai deklaroi me shaka se është Babagjyshi i Vitit të Ri. "Epo, tani kam një pallto lëkure deleje, një kapelë ushanka (kapelë leshi me kapele që mbulojnë veshët) dhe së shpejti do të marr valenki (një këpucë tradicionale ruse dimërore)", shkroi ai. “Kam rritur mjekrën për 20 ditët e transportit tim”, shtoi Navalny.
Lideri rus i opozitës theksoi se tani jeton thuajse në Polin e Veriut, aty ku ka shumë dëborë dhe është ftohtë. "Dhe gjëja më e rëndësishme është se unë tani jetoj në Arktik, në fshatin Kharp në Yamal", u shpreh ai. Navalny ndodhet në burg për shkak të bindjeve të tij politike, ndërsa së fundmi kishte humbur edhe kontaktet. Kjo, sepse ishte transferuar në një burg në Siberi dhe sipas ligjeve ruse, nuk i lejohet që të ketë kontakt me botën e jashtme./ZËRI/
