SHBA- "Oppenheimer" i Christopher Nolan, me fitim 1 miliard dollarë, jo vetëm që ka mbushur xhepat e drejtuesve të studiove të Hollivudit, por ka sjellë gjithashtu një fitim të papritur në komunitetin e fshehtë të Los Alamos.
Filmi, kryesuesi i qartë për të fituar filmin më të mirë në Oscar më 10 mars, tregon historinë e shpikjes së bombës atomike. Pjesa më e madhe e aksionit zhvillohet në Los Alamos, një qytet i ndërtuar rreth një laboratori top-sekret që u krijua nga e para në New Mexico me sugjerimin e fizikanit J. Robert Oppenheimer, i cili kishte një pasion të përjetshëm për malet përreth, shkruajnë mediat e huaja.
Që nga publikimi i filmit korrikun e kaluar, turistët janë vërshuar në vende si Shtëpia Oppenheimer dhe Fuller Lodge, ku shkencëtarët bërthamorë organizuan evente për të festuar suksesin e tyre në ndërtimin e bombës.
"Nëse fiton Oscar, mendoj se do të shohim shumë më tepër interes", u shpreh njëri prej aktorëve të kastit.
Por suksesi mbulon një marrëdhënie të ndërlikuar që Los Alamos ka me të kaluarën e tij dhe me Oppenheimer, i cili ende përmendet gjerësisht në qytet me pseudonimin "Oppie". Nga njëra anë, bumi turistik mund të ndihmojë në mbledhjen e 2 milionë dollarëve të nevojshëm për të restauruar shtëpinë shekullore ku jetonin Oppenheimers, e cila ka shumë nevojë për riparime./ZËRI
