KOSOVË-Presidentja e Kosovës, Vjosa Osmani ka zhvilluar një bisedë telefonike me Ndihmës Sekretarin amerikan të Shtetit, Jim O’Brien. Vetë Osmani përmes një postimi në platformën “X”, tregoi çështjet për të cilat diskutoi me O'Brien, ku theksoi se në fokus të bisedës ishte “anëtarësimi i Kosovës në Këshillin e Evropës dhe zbatimin e plotë e të shpejtë të marrëveshjes së Brukselit”.
"Një telefonatë produktive me O'Brien sot. Theksova rëndësinë themelore të punës së bashku me aleatët tanë të SHBA-së në mbrojtjen e lirisë, pavarësisë dhe demokracisë sonë. Ne diskutuam gjithashtu hapat e Kosovës për anëtarësimin në CoE dhe zbatimin e plotë dhe të shpejtë të Marrëveshjes së Brukselit”,- ka shkruar Osmani.
A productive call w/ @StateEUR O’Brien today. Emphasised the fundamental importance of working together with our U.S allies in defending our freedom, independence&democracy. We also discussed ????????’s strides for CoE membership & the full&swift implementantion of the Brussels agrmt. pic.twitter.com/FS600bfddu
— Vjosa Osmani (@VjosaOsmaniPRKS) April 1, 2024
Kujtojmë se vetëm para pak ditësh Kosova kaloi me sukses votimin në Komitetin e Asamblesë Parlamentare në KiE, i cili ishte edhe hapi i parë për procesin e anëtarësimit të Kosovës në Këshillin e Evropës. Pas miratimit në Komision, draft opinioni duhet të diskutohet dhe miratohet nga Asambleja Parlamentare e Këshillit të Evropës që pritet të mbahet në prill./ZËRI
