BJELLORUSI- Gazetari dhe opozitari bjellorus Igor Lednik ka ndërruar jetë në burg, ku po vuante dënimin për një artikull të botuar në vitin 2022, për të cilin u akuzua për shpifje ndaj Presidentit Alexander Lukashenko. Lednik ishte anëtar i Partisë Social Demokratike Bjelloruse. Arrestimi i tij daton në prill të vitit 2022.
Artikujt e Lednik dhe profili i tij në Facebook u konsideruan ekstremiste nga autoritetet bjelloruse, veçanërisht për kritikat ndaj bashkimit midis Rusisë dhe Bjellorusisë dhe akuzave kundër Lukashenkos se dëshiron ta kthejë vendin në një diktaturë, shkruajnë mediat e huaja.
Fillimisht ai duhej të kryente vetëm 15 ditë arrest shtëpie, por më pas u dënua me tre vjet burg për një artikull të botuar në vitin 2020, ku sulmonte nderin dhe dinjitetin e kreut të shtetit.
Që nga arrestimi, shëndeti i tij është përkeqësuar gradualisht. Ai iu nënshtrua një operacioni në sistemin e tretjes gjatë paraburgimit dhe tashmë vuante nga probleme me zemrën.
