UKRAINË-Zyra e prokurorit ukrainas njoftoi sot se ka mësuar për 54 raste në të cilat ushtarët rusë dyshohet se kanë qëlluar të burgosurit ukrainas të luftës, shkruan Protothema. Rasti më i fundit i ekzekutimit të një të burgosuri lufte në publik të dielën bazohet në videon e filmuar nga fshati Krinki në provincën jugore të Ukrainës, Kherson.
Ekzekutimi i parë i një të burgosuri lufte ukrainas u regjistruan në mars të vitit 2022. Një vendim gjykate është lëshuar tashmë në rastin e ekzekutimit të një të burgosuri nga një ushtar rus në provincën veriore të Ukrainës, Chernihiv. Megjithatë, në shumicën e rasteve, hetimet pengohen nga fakti që hetuesit ukrainas nuk kanë akses në vend ose në trupa.
Kombet e Bashkuara kanë marrë raporte për 12 incidente në të cilat të paktën 32 të burgosur lufte ukrainas u vranë vetëm nga fillimi i dhjetorit të vitit të kaluar deri në fund të shkurtit. Vëzhguesit e OKB-së ishin në gjendje të verifikonin tre raste. Megjithatë, në vitin 2022 dhe në fillim të vitit 2023, u regjistrua edhe pushkatimi i 25 robërve rusë të luftës nga ushtarët ukrainas./ZËRI
