KHARKIV – Rusia ka sulmuar me raketa një fshat në zonën e Kharkiv në Ukrainë, duke lënë të vdekur së paku 49 persona.
Autoritetet ukrainase kanë thënë se sulmi ka nisur në mesditë, rreth orës 13:15 minuta.
Guvernatori i rajonit të Kharkivit, Oleg Sinegubov u shpreh se mes viktimave është dhe një djalë 6-vjeçar. Sinegubov shtoi se në mesin e të plagosurve ishte edhe një vajzë e mitur. Objekt i rusëve ishte një dyqan dhe në të kishte njerëz, kur ndodhi sulmi.
Rajoni i Kharkivit është tepër i rëndësishëm. Rusët e morën atë menjëherë pas pushtimit, por Kievi kishte lajmëruar se kohët e fundit e kishte vënë nën kontrollin e saj zonën. Rusia po tenton që të fitojë terren në këtë rajon kufitar me shtetin ukrainas.
Moska ka nisur pushtimin e Ukrainës që më 24 shkurt 2022, duke shkaktuar mijëra viktima dhe dëme të shumta materiale./Zëri.ai/
