IRAN-Teksa diskutimet për një armëpushim të mundshëm 45-ditor po zhvillohen, Irani po shqyrton propozimin e Pakistanit për një plan paqeje, por nuk është i hapur për një “armëpushim të përkohshëm”, tha një zyrtar i lartë iranian për Reuters.
Zyrtari tha se Teherani nuk do ta rihapte Ngushticën e Hormuzit në këmbim të një armëpushimi të përkohshëm dhe e konsideroi Uashingtonin si jo të gatshëm për një armëpushim të përhershëm. Zyrtari tha gjithashtu se Irani nuk do të pranonte presion për të marrë një vendim brenda afateve të caktuara.
“Armiqtë amerikano-sionistë, të cilët janë nën presionin e luftës dhe të hutuar, synojnë të shfrytëzojnë mundësinë e armëpushimit për të dalë nga kriza e municioneve dhe nga situata e vështirë strategjike”,-u shpreh zyrtari.
