KYIV - Ushtria ukrainase duhet të ndryshojë metodat e saj për të fituar luftën kundër Rusisë. Kështu tha komandanti i ri i përgjithshëm i Kievit, Oleksandr Syrsky më 9 shkurt, në komentet e tij të para në këtë rol. 58-vjeçari zëvendësoi komandantin Valeriy Zaluzhnyi këtë javë në ndryshimin më të madh të udhëheqjes ushtarake të Ukrainës, që nga fillimi i pushtimit të plotë të Rusisë gati dy vjet më parë.
Gjenerali veteran përballet me një mori problemesh, ndër të cilat një vijë fronti e bllokuar 1000 km e gjatë, që mezi ka lëvizur në më shumë se një vit luftimesh. "Vetëm ndryshimet dhe përmirësimi i vazhdueshëm në mjetet dhe metodat e luftës do të na lejojnë të kemi sukses në këtë rrugë", tha gjeneral-koloneli Syrsky në një postim në rrjetet sociale. “Ushtria ka nevojë për planifikim të qartë dhe të detajuar, duke marrë parasysh nevojat e vijës së frontit për armët më të fundit të furnizuara nga partnerët ndërkombëtarë”, tha ai.
The Russian Ilsky refinery in Krasnodar suffered an explosion tonight, with a fire breaking out at one of the process units. pic.twitter.com/CoPYbzrLRL
— OSINTtechnical (@Osinttechnical) February 9, 2024
Aleatët e Ukrainës, veçanërisht Uashingtoni dhe Brukseli, po përpiqen të ndajnë paketat e ndihmës, që deri më tani kanë lejuar Kievin të qëndrojë stoik kundër Rusisë. Gjenerali Syrsky po merr përsipër ushtrinë në një kohë pasigurie, për faktin se cilat burime do të jenë në dispozicion, ndërsa Rusia e vendos ekonominë e saj me bazë luftën, duke rritur prodhimin dhe rekrutimin.
Pavarësisht sukseseve në fushën e betejës, gjeneral-koloneli Syrsky nuk është një ikonë kombëtare si gjenerali Zaluzhny dhe ai ka një reputacion të tillë, se është indiferent ndaj viktimave në luftë. Por, këtë herë ai u përpoq ta përmirësojë imazhin, në lidhje me këtë aspekt. "Jeta dhe mirëqenia e ushtarakëve tanë kanë qenë gjithmonë dhe mbeten pasuria kryesore e ushtrisë ukrainase”, deklaroi shefi i ushtrisë së Ukrainës.
Kremlini më herët më 9 shkurt minimizoi ndikimin që do të kishin ndryshimet ushtarake të Ukrainës në fushën e betejës. "Ne nuk mendojmë se është një faktor që do të ndryshojë rrjedhën e operacionit special ushtarak", tha zëdhënësi i Kremlinit Dmitry Peskov, duke përdorur termin e preferuar të Moskës për pushtimin. Rusia e pushtoi Ukrainën në mars 2022./ZËRI/
