Një kandidat i partisë së ekstemit të djathtë Alternativa për Gjermaninë (AfD) është sulmuar me thikë mbrëmë në Mannheim, në jug të Frankfurtit. Politikani gjerman i cili kandidon në zgjedhjet lokale është shtruar në spital, ndërsa fatmirësisht ndodhet jashtë rrezikut për jetën.
Sipas përfaqësuesit të partisë AfD, Emil Zetse, politikani që u sulmua është 62-vjeçari Heinrich Koch. Ky i fundit u sulmua nga gjithsej tre persona, por njëri prej tyre e goditi me thikë. Dy të tjerët u larguan, raporton gazeta gjermane Bild.
In diesem Video soll der Angriff auf Heinrich Koch, den AfD-Politiker, in Mannheim zu sehen sein. #mannheim #afd pic.twitter.com/nWrUVHxT4w
— Junge Freiheit (@Junge_Freiheit) June 5, 2024
Gjithçka filloi kur kandidati i AfD, Heinrich Koch, pa në sheshin Mannheim tre burra që grisnin postera të politikanëve nga partia e tij Alternativa për Gjermaninë. Dhe kur ai u vërsul drejt tyre, njëri prej tyre e sulmoi me thikë. Policia ka arrestuar njeriun që goditi me thikë politikanin gjerman, por deri më tani nuk ka dhënë asnjë informacion për identitetin e tij.
Në të njëjtën zonë, të premten e kaluar, një 25-vjeçar afgan plagosi gjithsej gjashtë persona, duke përfshirë një polic, në sheshin qendror të tregut të Mannheim, në një ngjarje të organizuar nga lëvizja anti-islamike Pax Europa (BPE). Polici 29-vjeçar vdiq tre ditë pa ngjarjeve./ZËRI
