INDONEZI- Njëmbëdhjetë alpinistë u gjetën të vdekur në Indonezi pas shpërthimit të vullkanit Marapi në Sumatrën Perëndimore. Një zyrtar i shpëtimit tha se tre persona u gjetën të gjallë në vullkan dhe të paktën 12 alpinistë ishin ende të zhdukur. Ai tha se kishte gjithsej 75 alpinistë në mal. Operacioni i kërkimit është ndërprerë përkohësisht për shqetësime sigurie.
Vullkani 2,891 metra i lartë hodhi hi deri në 3 kilometra në qiell të dielën. Autoritetet ngritën alarmin në nivelin e dytë më të lartë dhe ndaluan banorët të shkonin brenda 3 km nga krateri.
#BREAKING:????????????
— Right Angle News Network (@Rightanglenews) December 4, 2023
11 people have been killed in a volcano eruption in Indonesia.???? pic.twitter.com/7Sn0yHxLWr
Vullkani shpërtheu me shtëllunga hiri të bardhë dhe gri të dielën, duke bllokuar dhe plagosur alpinistë dhe duke përhapur hirin vullkanik në disa fshatra. Merapi ka qenë aktiv që nga shpërthimi i janarit që nuk shkaktoi viktima. Ai është ndër më shumë se 120 vullkanet aktive në Indonezi.
