“Myrto Security”, të cilës iu hoq licensa pas episodeve të rënda në Zvërnec, në maj të vitit 2026, ku një qytetar u tërhoq zvarrë, kompania e sigurisë private është pjesë e një bashkimi fitues në një tender me fond rreth 2 milionë euro, të zhvilluar nga Drejtoria Rajonale e Operatorit (OSSH) të Sistemit të Shpërndarjes, në Elbasan. OSSH njoftoi lidhjen e kontratës me bashkimin e operatorëve “Juer Security” dhe “Myrto Security”. Por, si arriti “Myrto Security” të merrte pjesë në tender, pasi në 1 qershor Policia njoftoi heqjen e licencës së saj, pas përplasjeve të dhunshme me qytetarët në Zvërnec? Kompania e kundërshtoi vendimin e heqjes së licensës në rrugë gjyqësore dhe siguroi një masë sigurimi padie, duke pezulluar heqjen e lejes dhe duke garuar lirisht në gusht 2026. Sot, kompania "Myrto Security", e përfshirë në incidentet e dhunshme në Zvërnec, në një prej ngjarjeve më të komentuar të verës, tashmë merr përsipër ruajtjen e aseteve strategjike shtetërore në Elbasan.
./ZËRI
