Mbështetja e autorit të vrasjes së gjyqtarit merr të tjera përmasa, hapet "GoFoundMe" për Elvis Shkambin
TIRANË- Reagimet në rrjete sociale për vrasjen e gjqytarit Astrit Kalaja, i cili u qëllua për vdekje në krye të detyrës nga Elvis Shkambi ka marrë të gjithë vëmendjen. Një lumë komentesh është vënë re pothuajse në çdo postim të mundshëm që zbardh ekzekutimin e gjyqtarit Kalaja. Pak ditë më parë ZËRI solli vetëm një pjesë të kësaj "lëvizjeje" në rrjet, me komentues të cilët njëzëri mbështesin hapur autorin e krimit.
Por, ky qëndrim i qytetarëve nuk mbyllet vetëm me kaq dhe nuk është lënë vetëm brenda rrjeteve, por tashmë ka marrë përmasa më të mëdha deri aty në hapjen e një GoFoundMe. Kjo me qëllim mbledhjen e fondeve për autorët e krimit, Elvis dhe Gjon Shkambi, nën sloganin "Suport for legal right for all".
"Ky GoFundMe është krijuar me mirëbesim dhe për një kauzë të drejtë — jo për të mbrojtur një akt dhune, por për të mbrojtur të drejtën për përfaqësim të drejtë dhe për të siguruar që Elvisi dhe Gjoni të kenë qasje në mbrojtje ligjore të aftë dhe të pavarur. Historia e tyre, si shumë të tjera, meriton të dëgjohet plotësisht dhe në mënyrë të drejtë — jo të reduktohet në tituj kryesorë apo rrëfime politike.
Mbështetja juaj do të shkojë drejtpërdrejti drejt:
• Sigurimi i mbrojtjes ligjore profesionale dhe të pavarur,
• Mbulimi i tarifave gjyqësore dhe të dokumentacionit,
• Mbështetja e transparencës dhe llogaridhënies gjatë gjithë procesit gjyqësor.
Ne besojmë se çdo qytetar meriton një gjykim të drejtë, të vërtetën dhe drejtësinë — pavarësisht rrethanave. Kjo ka të bëjë me sigurimin që drejtësia të zbatohet në mënyrë të barabartë, me dhembshuri dhe integritet, jo përmes presionit politik apo mediatik. Le të bashkohemi jo rreth fajit, por rreth parimit se çdo histori meriton të dëgjohet dhe se drejtësia duhet t'u shërbejë njerëzve - jo anasjelltas.", theksohet në përshkrimin e faqes së GoFoundMe të organizuar nga një familjar i ti tyre, Francesk Shkambi.
Elvis Shkambi dhe xhaxhi i tij, Gjon Shkambi, janë njohur sot me masën e sigurisë "arrest me burg" nga Gjykata e Tiranës, për vrasjen e gjqytarit Astrit Kalaja. Po ashtu, në arrest me burg ëshë lënë edhe roja e sigurisë së Gjykatë së Aplelit, Banush Koxhaj, nën akuzën e "shpërdorim detyre".
Si ndodhi ngjarja?
Gjyqtari Astrit Kalaja humbi jetën më 6 tetor, gjatë një seanca gjyqësore. Ai po shyrtonte një çështje që kishte të bënte me një rast pronësie në qarkun e Shkodrës. Autori, Elvis Shkambi, ka pretenduar se ka qenë palë e dëmtuar në çështjen e pronësisë. Momenti fatal i të shtënave është regjistruar sapo gjyqtari Astrit Kalaja është çuar për të dhënë vendimin. Në atë moment, Shkambi ka nxjerrë pistoletën dhe e ka qëlluar gjyqtarin me 3 plumba në gjoks. Gjyqtari Astrit Kalaja nuk arriti t'i mbijetonte 3 plumbave në gjoks dhe humbi jetën rrugës për në spital. Ndërkohë, si pasojë e plumbave kanë mbetur të plagosur edhe 2 persona të tjerë (babë e bir) Rakip dhe Ervis Kurtaj, të cilët aktualisht ndodhen në spital. Në pranga kanë rënë autori, xhaxhai i tij Gjon Shkambi dhe roja e sigurisë, Banush Koxhaj, që e lejoi hyrjen e armatosur të autorit në ambientet e gjykatës, ku ndodhi krimi./ZËRI
A e nxiti Gjon Shkambi nipin që të kryente vrasjen? Avokati: Nuk kishte mundësi ta ndalonte, ishte duke dalë nga salla
TIRANË- Avokati Kujtim Ibra, mbrojtësi ligjor i Elvis dhe Gjon Shkambit, ka folur pasi Gjykata e Tiranës la në burg dy klientët e tij, për vrasjen e gjyqtarit të apelit Astrit Kalaja. Ibra tha se Elvis Shkambi ka vepruar në kushtet e tronditjes së fortë psikologjike, dhe xhaxhai i tij, Gjoni, nuk ka pasur rol në nxitjen e krimit. Sipas avokatit, Gjon Shkambi ka qenë duke dalë nga salla, në momentin që nipi i tij ka qëlluar ndaj gjyqtarit, dhe ndaj dy personave të tjerë që kanë qenë palë në proces.
“Shtetasi nën hetim ka qenë totalisht i mpirë pas kryesrjes së krimit dhe ai ka pritur me qetësi forcat e policisë, pasi në ato momente i është rikthyer vetëdija. Më pas, ai ka dorëzuar pistoletën tek njëri nga punonjësit e gjykatës dhe ka pritur që të vinin forcat e policisë, duke mos u larguar edhe pse ka pasur mundësinë ta bënte.
I ka pritur forcat e policisë me qetësi për shkak të ngjarjes, ku ai pretendon se ka qenë në gjendje të rënduar psiqike. Nuk ka prova që xhaxhai Gjon Shkëmi të jetë shtytës për kryerjen e krimit nga nipi i tij.
Gjon Shkëmbi nuk ka marrë pjesë në momentin e ndodhjes së ngjarjes. Ai ka deklaruar se nuk ka pasur dijeni që nipi i tij do kryente një veprim të tillë dhe nuk ka pasur mundësi ta ndalonte në momentin e shkrepjes së armës, pasi askush nuk i del përpara një personi të armatosur, sidomos kur është në gjendje të rënduar emocionale.
Shtetasi Gjon Shkëmbi, në ato momente, ka dalë pothuajse nga salla. Pra, pasi shtetasi Gjon Shkëmbi kishte kaluar derën e sallës së seancës, shtetasi Elvis Shkëmbi ka qëlluar drejt të ndjerit”, u shpreh avokati. Ndërkohë që lidhur me deklaratat e mëparshmë që ka bërë dhe në media, Gjon Shkambi, ai tha se nëse veprime të tilla do të cilësoheshin si kanosje, atëherë autoritetet duhet të kishin vepruar.
“Nëse do të kishim veprime të tilla që përbëjnë kanosje, atëherë çështja penale do të ishte dashur të nisej në atë kohë. Veprimet dhe deklaratat që Gjon Shkëmbi ka dhënë në media janë interpretuar ndryshe, por nëse do të kishte elementë të tillë, atëherë Prokuroria e Tiranës apo ajo e Shkodrës duhej të kishte nisur procedim penal për kanosje ndaj shtetasve të ndryshëm”, vijoi deklaratën e tij avokati Ibra.
Gjykata e Tiranës dha sot masën e sigurisë "arrest me burg" për autorin dhe xhaxhain e tij, Elvis dhe Gjon Shkambi, në lidhje me vrasjen e gjyqtarit Astrit Kalaja, në krye të detyrës tre ditë më parë. Mësohet se Elvis dhe Gjon Shkambi kërkuan falje publike familjes së gjyqtarit Kalaja, ndërsa dëshmuan se ngjarja ka ardhur si shkak i tronditjes së lartë psikike për shkak të kalvarit të gjatë të gjyqeve.
Gyqtari Astrit Kalaja u ekzekutua me armë zjarri në krye të detyrë, pasditen e 6 tetorit, teksa po jepte verdiktin në lidhje me çështjen e pronave në Shkodër ku ishin palë Elvis dhe Gjon Shkambi./ZËRI
U la në burg për vrasjen e gjyqtarit/ Roja i sigurisë: Isha sëmurë, para se autori të kalonte te skaneri lajmërova kancelaren por...
TIRANË- Roja i sigurisë në Gjykatën e Apelit, Banush Koxhaj është lënë nën masën e sigurisë "arrest me burg" nga Gjykata e Posaçme e Tiranës, lidhur me vrasjen e gjyqtarit Astrit Kalaja. Banush Koxhaj, është paraqitur mëngjesin e sotëm në Gjykatë për t'u njohur masat e sigurisë, së bashku me 2 të akuzuarit e tjerë, autori Elvis Shkambi dhe xhahxhai i tij, Gjon Shkambi.
Ndaj Koxhaj rëndon akuza e “shpërdorimit të detyrës”, pasi ka qëndruar i ulur në karrige dhe nuk ka kryer asnjë veprim për kontroll fizik apo regjistrimin e këtyre personave në librin e protokollit, siç kërkohet për çdo person që hyn në institucion. Sipas konkluzioneve të Prokurorisë, rezulton se roja e sigurisë nuk ka ndërhyrë pavarësisht se detektorët kanë sinjalizuar praninë e metaleve gjatë hyrje së Elvis dhe Gjon Shkambi në ambientet e Gjykatës së Apelit.
Ndërkohë, mësohet se në seancë Koxhaj është shprehur se vuan nga diabeti dhe se ka lajmëruar kancelaren e gjykatës për të kontrolluar Elvis Shkambin dhe Gjon Shkambin, para se të hynin në godinën. Roja e sigurisë ka treguar se i është dhënë leje, e megjithatë nuk është zëvendësuar.
“Kam qenë i sëmurë para se të kalonin palët në skaner. Unë kam lajmëruar dhe kancelaren se nuk ndihesha mirë, pasi vuaj nga diabeti. Një orë me pas kancelaria më ka dhënë leje për t’u larguar, por nuk jam zëvendësuar”, ka dëshmuar Banush Koxhaj.
Gjykata e Tiranës ka caktuar masën e sigurisë "arrest me burg" për autorin dhe xhaxhain e tij, Elvis dhe Gjon Shkambi, në lidhje me vrasjen e gjyqtarit Astrit Kalaja, në krye të detyrës tre ditë më parë. Mëosohet se Elvis dhe Gjon Shkambi kërkuan falje publike familjes së gjyqtarit Kalaja, ndërsa dëshmuan se ngjarja ka ardhur si shkak i tronditjes së lartë psikike për shkak të kalvarit të gjatë të gjyqeve.
Gyqtari Astrit Kalaja u ekzekutua me armë zjarri në krye të detyrë, pasditen e 6 tetorit, teksa po jepte verdiktin në lidhje me çështjen e pronave në Shkodër ku ishin palë Elvis dhe Gjon Shkambi./ZËRI
“Kanë pasur shumë borxhe”, avokati i Elvis Shkambit: Armën e kishte prej vitesh, ka punuar në disa institucione…
TIRANË- Gjykata e Tiranës ka lënë në burg 3 personat e arrestuar pas vrasjes së gjyqtarit të Apelit, Astrit Kalaja. Elvis dhe Gjon Shkambi, si dhe roja i sigurisë Banush Koxhaj, kanë shprehur keqardhjen për vrasjen e gjyqtarit, ndërkohë që avokati mbrojtës i autorit ka dhënë më shumë detaje në lidhje me deklarimet e tyre në seancë. Avokati Kujtim Ibra, tha se Elvis Shkambi ka shprehur pendesë, dhe ka pretenduar se armën e mbante prej vitesh. Po ashtu ai tha se familja ka qenë e zhytur në borxhe, për shkak të shpenzimeve që kanë pasur seancat e gjata gjyqësore.
“Ka vuajtur shumë sa i takon çështjeve civile, ka hyrë në shumë borxhe për shkak të një kalvari të gjatë. Tronditja ka qenë për shkak të vendimit të dhënë, duke qenë se do rikthehej edhe njëherë çështja në fillim. Arma nuk ka qenë me leje, por Shkëmbi pretendon se ka punuar në disa institucione që lidhen me sigurinë, por që do të sqarohet në një moment të dytë. Ai kaq deklaroi në seancë. Duhet ti kërkojmë falje familjes Kalaja, ka kërkuar falje për dy të plagosurit dhe për gjyqtarin. Është goditur një gjyqtar, është i pajustifikueshëm, gjyqtari dhe prokurori janë në zbtim të ligjit nuk mund të vriten dhe unë besoj se kjo kambanë alarmi do jetë edhe për sistemin e drejtësisë, që s’duhet të arrijnë në zvarritje të tejskajshme”, tha avokati.
Autori i vrasjes së gjyqtarit Astrit Kalaja dhe plagosjes së Rakip dhe Ervis Kurtajt (babë e bir), 30-vjeçari Elvis Shkambi do të përballet me tre akuza: “Vrasje të funksionarëve publikë”, “Vrasje në rrethana cilësuese në bashkëpunim”, “Mbajtje pa leje e armës”.
Sipas Prokurorisë, xhaxhai i autorit, Gjon Shkambi dyshohet se kishte dijeni për planin e nipit të tij ndaj palës kundërshtare në procesin gjyqësor dhe se mund të ketë luajtur rol nxitës në tentativën për të vrarë babë e bir, të cilët jetojnë në pronën që ai pretendon në Shkodër. Në të njëjtën kohë, Prokuroria ka ndryshuar kualifikimin fillestar të akuzës, duke hequr nga akuza vrasjen e gjyqtarit.
Ndërkohë, Banush Koxhaj, roja i sigurisë, akuzohet për shpërdorim detyre. Prokuroria thotë se ai nuk ka ndërhyrë pavarësisht se detektorët kanë sinjalizuar praninë e metaleve gjatë hyrjes së Elvis dhe Gjon Shkambit në ambientet e gjykatës.
Ai nuk ka kryer kontroll fizik ndaj tyre dhe as nuk ka bërë regjistrimin e detyrueshëm në librin e protokollit, siç kërkohet për çdo person që hyn në institucion. Megjithatë në dëshminë e sotme në seancën gjyqësore, Koxhaj ka pretenduar se ka marrë leje për shkak të një shqetësimi shëndetësor te kancelarja e gjykatës, por nuk është zëvendësuar nga një personel tjetër i sigurisë./ZËRI
Gjykata lë në burg 3 të arrestuarit për vrasjen e gjyqtarit, Elvis dhe Gjon Shkambi shprehin pendesë, i kërkojnë falje familjes Kalaja
TIRANË- Gjykata e Tiranës ka lënë në burg 3 personat e arrestuar për vrasjen e gjyqtarit të Apelit, Astrit Kalaja. Gjykata ka pranuar kërkesën e prokurorisë së Tiranës, që kishte kërkuar masën e arrestit me burg për Elvis dhe Gjon Shkambin, autorin dhe xhaxhanë e tij, si dhe për rojen e sigurisë së gjykatës Banush Koxhaj. Elvis dhe Gjon Shkambi, gjatë seancës për dhënien e masës së sigurisë, i kanë kërkuar falje familjes së gjyqtarit, ndërsa janë shprehur se ngjarja ka ndodhur si pasojë e tronditjes së fortë psiqike, nga zvarritja e procesit në sistemin e drejtësisë.
“Ngjarja ka ardhur si pasojë e tronditjes psiqike nga kalavari i gjatë i gjyqeve. Gjykata nuk e ka zgjidhur çështjen ndër vite, institucionet nuk kanë bërë detyrën”, mësohet se ka thënë Elvis Shkambi gjatë seancës.
Avokati mbrojtës i dy anëtarëve të familjes Shkambi, tha se në një moment të dytë do të kërkojë një ekspertizë psikologjike për klientin e tij. Në sallën e gjyqit, Elvis Shkambi ka deklaruar se armët e mbante prej disa vitesh, pasi sipas tij kishte qenë pjesë e institucioneve të sigurisë, por pa bërë të qartë pozicionin dhe profilin e punës që kishte mbajtur.
Avokati deklaroi gjithashtu se familja ka pasur vështirësi ekonomike dhe borxhe, për shkak të kostove shumë të larta të procesit gjyqësor.
“Ka vuajtur shumë sa i takon çështjeve civile, ka hyrë në shumë borxhe për shkak të një kalvari të gjatë. Tronditja ka qenë për shkak të vendimit të dhënë, duke qenë se do rikthehej edhe njëherë çështja në fillim. Arma nuk ka qenë me leje, por Shkëmbi pretendon se ka punuar në disa institucione që lidhen me sigurinë, por që do të sqarohet në një moment të dytë. Ai kaq deklaroi në seancë. Duhet ti kërkojmë falje familjes Kalaja, ka kërkuar falje për dy të plagosurit dhe për gjyqtarin. Është goditur një gjyqtar, është i pajustifikueshëm, gjyqtari dhe prokurori janë në zbtim të ligjit nuk mund të vriten dhe unë besoj se kjo kambanë alarmi do jetë edhe për sistemin e drejtësisë, që s’duhet të arrijnë në zvarritje të tejskajshme”, tha avokati.
Autori i vrasjes së gjyqtarit Astrit Kalaja dhe plagosjes së Rakip dhe Ervis Kurtajt (babë e bir), 30-vjeçari Elvis Shkambi do të përballet me tre akuza: “Vrasje të funksionarëve publikë”, “Vrasje në rrethana cilësuese në bashkëpunim”, “Mbajtje pa leje e armës”.
Sipas Prokurorisë, xhaxhai i autorit, Gjon Shkambi dyshohet se kishte dijeni për planin e nipit të tij ndaj palës kundërshtare në procesin gjyqësor dhe se mund të ketë luajtur rol nxitës në tentativën për të vrarë babë e bir, të cilët jetojnë në pronën që ai pretendon në Shkodër. Në të njëjtën kohë, Prokuroria ka ndryshuar kualifikimin fillestar të akuzës, duke hequr nga akuza vrasjen e gjyqtarit.
Ndërkohë, Banush Koxhaj, roja i sigurisë, akuzohet për shpërdorim detyre. Prokuroria thotë se ai nuk ka ndërhyrë pavarësisht se detektorët kanë sinjalizuar praninë e metaleve gjatë hyrjes së Elvis dhe Gjon Shkambit në ambientet e gjykatës.
Ai nuk ka kryer kontroll fizik ndaj tyre dhe as nuk ka bërë regjistrimin e detyrueshëm në librin e protokollit, siç kërkohet për çdo person që hyn në institucion. Megjithatë në dëshminë e sotme në seancën gjyqësore, Koxhaj ka pretenduar se ka marrë leje për shkak të një shqetësimi shëndetësor te kancelarja e gjykatës, por nuk është zëvendësuar nga një personel tjetër i sigurisë./ZËRI
Vrasja e gjyqtarit Kalaja/ “Blindohet” gjykata, sot masa e sigurisë për autorin, xhaxhain e tij dhe rojen e sigurisë
TIRANË- Tre të arrestuarit për vrasjen e gjykatësit Astrit Kalaja, do të njihen sot para gjykatës me masat e sigurisë. Seanca në ngarkim të Elvis Shkambit, Gjon Shkambit dhe Banush Koxhajt, po mbahet në Dhomën Penale të Gjykatës, me dyer të mbyllura dhe nën masa të forta sigurie.
Prokuroria e Tiranës ka kërkuar masën e sigurisë “arrest me burg” për të tre të arrestuarit: Elvis Shkambi, xhaxhai i tij Gjon Shkambi dhe roja e sigurisë së Gjykatës së Apelit në Tiranë, Banush Koxhaj. Autori i vrasjes së gjyqtarit Astrit Kalaja dhe plagosjes së Rakip dhe Ervis Kurtajt (babë e bir), 30-vjeçari Elvis Shkambi do të përballet me tre akuza: “Vrasje të funksionarëve publikë”, “Vrasje në rrethana cilësuese në bashkëpunim”, “Mbajtje pa leje e armës”.
Sipas Prokurorisë, xhaxhai i autorit, Gjon Shkambi dyshohet se kishte dijeni për planin e nipit të tij ndaj palës kundërshtare në procesin gjyqësor dhe se mund të ketë luajtur rol nxitës në tentativën për të vrarë babë e bir, të cilët jetojnë në pronën që ai pretendon në Shkodër. Në të njëjtën kohë, Prokuroria ka ndryshuar kualifikimin fillestar të akuzës, duke hequr nga akuza vrasjen e gjyqtarit.
Ndërkohë, Banush Koxhaj, roja i sigurisë, akuzohet për shpërdorim detyre. Prokuroria thotë se ai nuk ka ndërhyrë pavarësisht se detektorët kanë sinjalizuar praninë e metaleve gjatë hyrjes së Elvis dhe Gjon Shkambit në ambientet e gjykatës. Ai nuk ka kryer kontroll fizik ndaj tyre dhe as nuk ka bërë regjistrimin e detyrueshëm në librin e protokollit, siç kërkohet për çdo person që hyn në institucion./ZËRI
