VD- Maskë silikoni dhe bark artificial, si autori i vrasjes së Renato Hoxhajt mashtroi autoritetet
TIRANË- Personi që ekzekutoi Renato Hoxhajn në Vlorë kishte menduar mirë mënyrën se do të kamuflohej përpara kamerave që mund ta filmonin në momentin që do të kryente krimin. Sot është publikuar video e tij, e kapur nga pamjet filmike para kamerave të sigurisë, pak momente para kryerjes së vrasjes.
Por, përveç kapeles dhe maskës kirurgjikale, personi në fjalë kishte vendosur edhe një maskë silikoni për të mbuluar çdo tipar të mundshëm që mund të identifikonin çdo detaj rreth tij. Madje ai kishte vendosur edhe një bark artificial.
Sot është vënë në pranga Eris Mehmetaj, 37-vjeç, nga Tropoja, i cili dyshohet se i ka dhënë autorit automjetin me të cilin ai është larguar, të cilit i kishte ndryshuar edhe targat. Mehmetajt i është sekuestruar celulari, që pritet të zbardhë të dhëna për pjesëmarrësit në vrasje. Dyshimet e deritanishme janë se vrasja e Renato Hoxhajt është porositur nga Dubai dhe shkak dyshohet se është bërë fakti që ai nuk ka pranuar të japë tokën për ndërtim. Ekzekutori dyshohet se është arratisur drejt Greqisë./ZËRI
Vrasja e Renato Hoxhajt/ Arrestohet miku i Roan Brahimit, i dha makinën autorit, Mehmetaj reklamonte jetën në Dubai
VLORË-Eris Mehmetaj është arrestuar nga Policia e Tiranës pasi dyshohet se ka ndihmuar autorin e vrasjes se Renato Hoxhajt në Vlorë. Sipas informacioneve, Policia e Vlorës identifikoi makinën me të cilën lëvizi autori, ndërsa nga hetimet rezulton se këtë makinë ia kishte dorëzuar Mehmenti para krimit. Automjetit gjithashtu rezulton se i ishin ndryshuar targat.
Mehmeti nga Tropoja u ndalua pas hetimit të Policisë së Vlorës, e cila identifikoi makinën me të cilën lëvizi vrasësi. Mehmeti rezulton mik i Roan Brahimit, i cili u ekzekutua në maj 2024 në Greqi. Në cilësinë e provës materiale, të arrestuarit i është sekuestruar një celular, brenda të cilit janë gjetur të dhëna të vlefshme për hetimin, ku dyshohet se vrasja është porositur nga një grup kriminal nga Emiratet e Bashkuara.
Eris Mehmetaj në rrjetet sociale reklamon një jetë luksi, ku pjesën më të madhe të kohës, duket se e kalon nga Dubai, nga ku ka publikuar edhe foton e fundit më 4 Mars.
Renato Hoxhaj u ekzekutua me katër plumba mëngjesin e 27 prillit. Viktima ka marrë dy plumba në kokë dhe dy në trup. Partnerja e 58-vjeçarit, Klodiana Rakipaj ka deklaruar para grupit hetimor se nuk di që Hoxhaj të ketë pasur konflikte. Rakipaj ka dëshmuar para grupit hetimor se kishte dëgjuar disa të shtëna, por kishte menduar se janë fishekzjarre. Viktima nuk ka pasur precedentë të mëparshëm penalë, ndërsa në zonë njihej si njeri jo problematik./ZËRI
FOTO- Me kapele dhe maskë, kamerat e sigurisë "kapin" autorin e vrasjes së Renato Hoxhajt
VLORË-Personi në foto dyshohet të jetë autori i vrasjes së 58-vjeçarit Renato Hoxhaj në Vlorë mëngjesin e 27 prillit. Personi në fjalë i 'kapur' nga kamerat e sigurisë në zonë, shihet me një kapele në kokë dhe me një maskë kirurgjikale në fytyrë.
Imazhet priten të verifikohen, ndërsa nga ajo që u raportua më herët nga grupi hetimor, autori dyshohet se ka qenë ishte i maskuar dhe ka lëvizur në zonën e lagjes Hajro Çakërri ku u ekzekutua me tre plumba 58-vjeçari Renato Hoxhaj. Sipas burimeve të policisë, janë dy autorë për vrasjen, por njëri ka arritur t’i shpëtojë policisë dhe të largohet jashtë vendit, konkretisht drejt Greqisë.
Ndërkohë mbrëmjen e djeshme (29 prill) është arrestuar në Tiranë një nga autorët e dyshuar. Dyshimet janë se porosia për ekzekutimin e 58-vjeçarit të ketë ardhur nga jashtë vendit. Operacioni për arrestimin e personave të përfshirë në vrasje është përqëndruar edhe në rrethe të tjera të vendit. Renato Hoxhaj mund të ketë qenë pjesë e grupeve kriminale në Vlorë, ose mund të ketë pasur informacion për ndonjë ngjarje kriminale.
Renato Hoxhaj u ekzekutua me katër plumba mëngjesin e 27 prillit. Viktima ka marrë dy plumba në kokë dhe dy në trup. Partnerja e 58-vjeçarit, Klodiana Rakipaj ka deklaruar para grupit hetimor se nuk di që Hoxhaj të ketë pasur konflikte. Rakipaj ka dëshmuar para grupit hetimor se kishte dëgjuar disa të shtëna, por kishte menduar se janë fishekzjarre. Viktima nuk ka pasur precedentë të mëparshëm penalë, ndërsa në zonë njihej si njeri jo problematik./ZËRI
