Qeveria plan për krijimin e shtetit sovran Bektashi, Komuniteti Mysliman: Të shqetësuar! Rama nxjerr librin (REAGIMET)

Edi Rama

FRANCË-Pas Turqisë edhe mediat franceze i kanë kushtuar një artikull planit për krijimin e "Shtetit Bektashi" brenda Tiranës. Le Parisien shkruan se kryeministri Edi Rama kërkon të promovojë tolerancën fetare duke i ofruar bektashinjve një pjesë territori.

“Shteti më i vogël në botë është gati të lindë. Kryeministri shqiptar Edi Rama, një katolik jo praktikues, njoftoi të shtunën në rubrikat e New York Times synimin e tij për të krijuar një ent të ri të qeverisur nga bektashinjtë për të promovuar një islam tolerant. Një lloj ‘Vatikani mysliman’, me një sipërfaqe prej 0,11 km², sa një e katërta e sipërfaqes së Qytetit të Vatikanit”, shkruan prestigjiozja franceze Le Parisien.

Sa i përket funksionit të tij, në artikull thuhet se "ky shtet i ri do të vendoset në lindje të kryeqytetit të Shqipërisë, Tiranës dhe do të shërbejë si një shtëpi politike për myslimanët bektashi, komuniteti i katërt fetar i Shqipërisë pas myslimanëve sunitë, të krishterëve ortodoksë dhe katolikëve. Ajo do të ketë administratën e saj, pasaportat dhe kufijtë e saj. Një muze që tregon historinë e bektashinjve dhe një dhomë lutjesh do të instalohen gjithashtu atje. Lideri aktual shpirtëror Baba Mondi, i thirrur për t'u bërë kreu i shtetit, kërkon gjithashtu një shërbim inteligjence. Nënshtetësia do t'u jepet vetëm anëtarëve të klerit dhe administratës së tij.

Konsumimi i alkoolit do të lejohet dhe gratë do të jenë në gjendje të veshin çfarëdo veshje që dëshirojnë, sipas praktikave tolerante të rendit bektashi, një degë e islamit shiit të ndikuar nga sufizmi , i cili mbron një vizion tolerant dhe mistik të fesë, të hapur ndaj të tjerëve fetë dhe filozofitë.

Një ekip ekspertësh ligjorë, duke përfshirë juristë ndërkombëtarë, po hartojnë një tekst që përcakton statusin sovran të shtetit të ri brenda Shqipërisë. 

Kryeministri Edi Rama në një intervistë për 'The New York Times' thotë se dëshiron t'u japë anëtarëve të Bektashinjve, enklavën e tyre të stilit të Vatikanit si një mënyrë për të promovuar tolerancën fetare. Rama tha se qëllimi i shtetit të ri ishte të promovonte një version tolerant të Islamit me të cilin krenohet Shqipëria. Kreu i qeverisë shprehet se në të ardhmen e afërt do të shpallë planet për entitetin, që do të quhet Shteti Sovran i Urdhrit Bektashi. Në një reagim zyrtar, Selia Botërore e Bektashinjve shprehet se ky hap historik synon të njohë Urdhrin Bektashi si një shtet të pavarur, vetëqeverisë, i përkushtuar për të mbështetur traditën e tij shekullore të moderimit dhe përfshirjes shpirtërore. Selia Botërore e Bektashinjve shton gjithashtu se kjo nismë nuk ka të bëjë me vetëvendosjen dhe se nuk kërkojnë që të kenë ndikim apo pushtet politik./ZËRI

FOTO ILUSTRUESE

TIRANË-Komuniteti Mysliman i Shqipërisë ka reaguar në lidhje me planin për krijimin e "Shtetit Bektashi" brenda Tiranës. KMSH në një reagim në rrjetin social Facebook, shprehet se është përfaqësuesi i vetëm dhe zyrtar i fesë Islame në Shqipëri dhe se në këtë kontekst shpreh shqetësimin për deklaratat publike ku flitet për “Islamin modern”, “Islamin shqiptar” apo edhe për shtet Islam brenda republikës.

Ndër të tjera Komiteti Mysliman se nisma të tilla mund të jenë një precedent i rrezikshëm për të ardhmen e vendit dhe sa i përket planit nuk është konsultuar me komunitetet fetare, të cilat për të tilla raste kanë ngritur edhe një institucion të veçantë, siç është Këshilli Ndërfetar i Shqipërisë. KMSH thekson se do të ndjekë me vëmendje këtë çështje dhe do të ndërmarrim hapat e nevojshme konform Kushtetutës dhe ligjeve të vendit tonë.

Reagimi:

Nisur nga interesi i lartë i besimtarëve, mediave, dhe opinionit publik, lidhur me hapjen e diskutimit për themelimin e “Sovranitetit të Urdhërit Bektashi” në Tiranë, Komuniteti Mysliman i Shqipërisë deklarohet sa më poshtë vijon:
Komuniteti Myliman i Shqipërisë është përfaqësuesi i vetëm dhe zyrtar i fesë Islame në Shqipëri. Feja jonë ka tre komponentë themelorë mbi të cilët ushtron veprimtarinë e saj në Republikën e Shqipërisë për mbi një shekull, të cilat janë:

1-Kurani Famëlartë, fjala e Zotit të Gjithësisë,

2-Tradita Profetike,

-Kushtetuta e Republikës së Shqipërisë

Në këtë kontekst, ne shprehim shqetësimin tonë lidhur me deklaratat publike ku flitet për “Islam modern” apo “Islam shqiptar” apo edhe për shtet Islam brenda republikës tonë. Këto terma nuk kanë asnjë lidhje me Islamin si fe, e cila është fe universale dhe bazohet mbi Kuranin dhe Traditën Profetike dhe respekton kushtetutat e ligjet në çdo vend ku bën pjesë. Komuniteti Mysliman i Shqipërisë është institucioni nën obrellën e të cilit kanë qenë dhe do të vijojnë të jenë të përfaqësuara të gjitha tarikatet derivate. Ky ka qenë edhe qëllimi i dijetarëve myslimanë të cilët kanë punuar për një Shqipëri të pavarur, laike dhe multi fetare. Komuniteti Mysliman është mazhoritar në Republikën e Shqipërisë dhe një ndër kontribuesit kryesor të dialogut e harmonisë fetare në vend. Ky komunitet nuk e ka cilësuar kurrë harmoninë e dialogun si “domain” të tijin, pasi kjo vlerë e jashtëzakonshme që ekziston në vendin tonë është kontribut i secilit dhe i të gjithëve bashkë.

Në këtë kuptim, vendi ynë nuk ndodhet përballë ndonjë rreziku të prishjes së harmonisë e dialogut, përkundrazi, nisma të tilla mund të jenë një precedent i rrezikshëm për të ardhmen e vendit. Të gjitha fetë abrahamike në thelbin e tyre kanë si qëllim t’i shërbejnë Rrugës së Zotit dhe të japin kontributin e tyre në shoqëri, siç bëjnë prej mijëra vjetësh. Kjo nismë për të cilën jemi njohur përmes medias është e pakonsultuar me komunitetet fetare, të cilat për të tilla raste kanë ngritur edhe një institucion të veçantë, të lavdëruar nga të gjitha vendet Perëndimore, siç është Këshilli Ndërfetar i Shqipërisë. Sa më lart sqaruam, ne sigurojmë besimtarët myslimanë në Republikën e Shqipërisë se do t’i përfaqësojmë ata dhe çdo besimtar të cilitdo tarikati, ashtu siç kemi bërë deri më sot, edhe në vijim. Ne do të vijojmë ta ndjekim me vëmendje këtë çëshjte dhe do të ndërmarrim hapat e nevojshme konform Kushtetutës dhe ligjeve të vendit tonë./ZËRI

FOTO ILUSTRUESE

TURQI-Plani i njoftuar nga kryeministri Edi Rama dhe kryegjyshi botëror bektashian, Edmond Brahimaj në mediat amerikane, për krijimin e "Shtetit Bektashi" brenda Tiranës, ka bërë që edhe Turqia të reagojë.

Mediat turke e kanë lidhur planin me vizitën e presidentit izraelit në Tiranë, duke hedhur dyshimet se Isack Herzog qëndron pas projektit. Sipas gazetës Sabah gjatë vizitës së tij të parë dhe historike në Tiranë, pak ditë më parë, presidenti izraelit Isaac Herzog është takuar veçanërisht dhe me Baba Mondin. Gazetari turk Melih Altınok shkruan se "djali i George Soros ka aktivitete intensive në Shqipëri nëpërmjet Fondacionit Shoqëria e Hapur. Vizita e fundit e Presidentit izraelit në Shqipëri nuk duhet anashkaluar."

Reagimi i përfaqësuesve të bektashinjve në Turqi

Nga ana tjetër përfaqësuesit e organizatave bektashiane në Turqi, në deklaratat e tyre të publikuara në 'Haber Global' thonë se bektashizmi dhe “shteti fetar” janë koncepte të papajtueshme me njëri-tjetrin.  

Presidenti i Federatës 'Alevit' të Turqisë, Zeynel Abedin Koç: Si alevi që jetojmë në Turqi, ne mbajmë qëndrimin tonë në favor të laicizmit. Bektashizmi është një sistem besimi me origjinë nga Turqia. Megjithatë, në Shqipëri jetojnë edhe rreth 115 mijë bektashinj. Dhe kjo përfaqëson 5% të popullsisë së Shqipërisë. Nuk e kuptoj fare pse ka nevojë për një gjendje të tillë. Bektashizmi i Turqisë është pjesë e tij apo është çështje shqiptare? Ne në asnjë mënyrë nuk e miratojmë një shtet të bazuar në besim.

Në kundërshtim me Abedin Koçin, ish-kryetari i Federatës 'Alevi Bektashiane' dhe shkrimtari Ali Bakiz beson se besimi bektashi nuk mund të krijojë një shtet fetar.

"Rruga e bektashinjve ka jetuar në këto troje prej shekujsh. Më vonë, me Perandorinë Osmane, u përhap në Ballkan, duke arritur deri në Hungari dhe Shqipëria është vendi më i rëndësishëm mes tyre. Filozofia bektashiane i konsideron 72 kombet si një, këshillon që të gjithë të jenë sovran në veprimet e tyre. Një shtet fetar nuk është i drejtë. Çdo shtet ka pushtet, ndërsa në besimin bektashi ka liri”, tha Ali Bakiz.

Ndërkohë presidenti aktual i Federatës 'Alevi Bektashi' në Turqi, Husein Güzelgül, i konsideron hapat e ndryshëm të ndërmarrë nga shtetet për të njohur besimin bektashi në mbarë botën në përgjithësi pozitive. Ai gjithashtu mbështet pikëpamjen se besimi i bektashinjve dhe shteti fetar nuk mund të shkojnë paralelisht.

“Ne nuk e konsiderojmë të drejtë një shtet të bazuar në fe. Nuk mund të ketë një gjë të tillë ku ka tolerancë, paqe dhe dashuri”, theksoi Güzelgül.

Kryeministri Edi Rama në një intervistë për 'The New York Times' thotë se dëshiron t'u japë anëtarëve të Bektashinjve, enklavën e tyre të stilit të Vatikanit si një mënyrë për të promovuar tolerancën fetare. Rama tha se qëllimi i shtetit të ri ishte të promovonte një version tolerant të Islamit me të cilin krenohet Shqipëria. Kreu i qeverisë shprehet se në të ardhmen e afërt do të shpallë planet për entitetin, që do të quhet Shteti Sovran i Urdhrit Bektashi. Në një reagim zyrtar, Selia Botërore e Bektashinjve shprehet se ky hap historik synon të njohë Urdhrin Bektashi si një shtet të pavarur, vetëqeverisë, i përkushtuar për të mbështetur traditën e tij shekullore të moderimit dhe përfshirjes shpirtërore. Selia Botërore e Bektashinjve shton gjithashtu se kjo nismë nuk ka të bëjë me vetëvendosjen dhe se nuk kërkojnë që të kenë ndikim apo pushtet politik./ZËRI

Foto ilustruese

TIRANË- Sekti bektashi i përket islamit është një kapitull i rëndësishëm në historinë e Islamit në Lindjen e Mesme, Azinë e Vogël dhe Ballkan gjatë periudhës osmane. Bektashizmi është një përzierje e besimit mysliman, monastizmit ortodoks dhe misticizmit mason. Pasuesit e sektit janë monogamë, hanë mish derri dhe pinë alkool.

Bektashinjtë për Islamin janë përafërsisht si "kalorësit" për krishterimin, pra kanë një rend me strukturë vertikale; kanë tempuj të veçantë por edhe fuqi ekonomike. Për shekuj me radhë urdhri bektashi shfrytëzoi minierat fitimprurëse të kripës të Perandorisë Osmane. Kripa nga ato miniera quhej Haxhi Bektash.

Sekti i të varfërve dhe fshatarëve

Bektashinjtë së bashku me mevlevitë dhe naqshbaditë konsiderohen si drejtimet më të njohura të sufizmit gjatë periudhës së Perandorisë Osmane. Nëse mevlevitë dhe naqshbaditë kishin më shumë ndikim në klasat e artizanëve, tregtarëve dhe fisnikëve, bektashinjtë kishin më shumë tërheqje tek shtresat e varfra të fshatrave dhe komuniteteve të Perandorisë Osmane, të cilat përbëheshin nga bujq dhe blegtorë.

Idetë e bektashinjve janë të lidhura me mendimin liberal të filozofëve të shekullit të 18-të në Francë. 

Themeluesi dhe botëkuptimi i tij

Haxhi Bektash Veli

Themeluesi i sektit konsiderohet të jetë Haxhi Bektash Veli, një dervish endacak që jetoi në shekullin e 13-të pas Krishtit. Dihet pak për jetën e tij. Disa studiues madje kanë argumentuar se ky nuk është një person real. Botëkuptimi që ai formoi promovonte një ligj fetar të ngurtë dhe puritan, të cilit secili duhej t'i bindej verbërisht.

Kur klasicisti anglez Frederick G. Haslack vizitoi Turqinë në vitin 1913, ai pati përshtypjen se Turqia ishte sunite. Për habinë e tij të madhe, ai shpejt zbuloi se jo vetëm që kishte shumë të lidhur me këto të ashtuquajtura sekte heretike, por edhe se disa imamë që shërbenin në xhamitë e fesë zyrtare, në ditët e tjera ishin shejh në teqetë bektashije.

Misticizmi

Bektasinjtë zunë rrënjë dhe u zhvilluan në të gjithë Perandorinë Osmane. Në themel të ideologjisë së tyre është Islami. Në thellësinë e ideologjisë së tyre, megjithatë, fshihen të gjitha rrjedhat e historisë osmane, moralet dhe zakonet që vinin nga jeta e popujve të ndryshëm që u përzien në ndërrimet e kufijve të shekullit XIII. Nga kjo rrëmujë u zhvillua një fe popullore me synimin për kontakt të drejtpërdrejtë midis njeriut dhe njohjes së Zotit.

Bektashinjtë nuk kanë praktika të adhurimit publik. Në fakt, i gjithë rituali i urdhrit bektashi është i mbështjellë me një fshehtësi absolute, gjë që i ka nxitur studiuesit me kuriozitet të madh.

Anëtarët e urdhrit ndahen në gjashtë kategori kryesore: Ashiqit, anëtarët e asociuar që nuk janë inicuar dhe muhibët; më pas vijnë  Dervishët, të cilët bëjnë betimin dhe lejohen të veshin rroba ceremoniale dhe emblema të bektashinjve. Më pas vijnë babajtë, të cilët drejtojnë teqenë lokale dhe kryesojnë bashkësitë lokale. Ata në thelb ushtrojnë kontroll mbi Dervishët, Ahibët dhe Ashiqët.

Në nivelet më të larta të hierarkisë janë Dervishët Munjarad, të cilët bëjnë një betim beqarie dhe zgjidhen me një ritual të fshehtë. Ata jetojnë vetëm në teqe, rruajnë mustaqet dhe mjekrën dhe mbajnë një vath argjendi në veshin e djathtë si emblemë të statusit të tyre.

Në krye të hierarkisë janë Khalifat, si krerët e teqeve rajonale.

Rënia e bektashizmit

Në 1789 në fronin e Perandorisë Osmane u ngjit Selim III, pasardhës i Mehmetit II. Duke ndjerë rrezikun që i vinte pushtetit të tij nga urdhri tepër konservator i jeniçerëve, ai konsideronte se mbijetesa e Perandorisë Osmane varej drejtpërdrejt nga shtypja e tyre, si dhe nga shtypja e rendit bektashi. Thuhet se Selimi u zotua se do t'u priste kokën 70.000 bektashinjve, por kur nuk i gjeti aq besimtarë për t'i ekzekutuar, urdhëroi t'u prisnin kokat dhe ti numëronin, derisa të plotësohej numri!

Bektasinjtë në Shqipëri

Ideologjia e Bektashinjve u soll në Shqipëri nga ishulli i Korfuzit nga Dervish Sari Saltik në fund të shekullit të 15. Ai themeloi 7 teqe, duke përfshirë një në malet mbi Krujë, ku legjenda thotë se ai vrau një dragua. Sekti fitoi popullaritet në të gjithë vendin, përveç në zonat që ishin konvertuar në katolicizëm në veri. Duhet theksuar se represioni i Mehmetit II lidhet edhe me faktin se Ali Pashë Tepelena, i përkiste sektit Bektashi.

Shumë nga krerët e nacionalizmit shqiptar ishin bektashinë. Pas shkatërrimit të korpusit jeniçer (Jeniçerë quheshin ushtarët këmbësorë me pagesë në ushtrinë osmane; ata formonin një korpus më vete që përbënte pjesën më të rëndësishme dhe më të zgjedhur të gardës së sulltanëve) në vitin 1826, shumë baba dhe dervishë bektashinj u shpërndanë në zona të thella të Ballkanit jashtë zonave ku qeveriste qeveria osmane. Gjatë kësaj periudhe, urdhri kishte zgjeruar ndjeshëm praninë e tij në Shqipërinë e Jugut.

Gjatë pushtimit turk, e sidomos pas luftës ruso-turke të viteve 1877-78, për të kontrolluar situatën, osmanët u përpoqën t'u impononin gjuhën turke shqiptarëve. Si kundërpërgjigje, shqiptarët formuan bashkësi të fshehta në vendet fqinje të Ballkanit dhe themeluan fshehurazi shkolla. Për ruajtjen e gjuhës shqipe ka kontribuar edhe rendi i bektashinjve. Në vitin 1902, sulltan Abdul Hamiti urdhëroi mbylljen e shkollave dhe ndalimin e librave në gjuhën shqipe. Më pas, teqetë bektashiane formuan një rrjet shkollash ilegale ku dervishët e arsimuar ruanin kulturën kombëtare të shqiptarëve.

Në vitin 1922, një asamble përfaqësuesish nga të gjitha teqet e Shqipërisë ndërpreu marrëdhëniet e bektashinjve me Bektashët Supremë, që ishin vendosur në kryeqytetin e ri të Ankarasë, përpara shtypjes së tyre nga Mustafa Kemal Ataturku. Tirana u bë selia e urdhrit dhe në vitin 1929 u njoh si një rend autonom mysliman, me një statut të ri.

Të dhënat e fundit të regjistrimit të popullsisë në Shqipëri treguan se bektashinjtë përbënin 115,000 nga 2.4 milionë banorët e vendit./ZËRI

Marrë dhe përkthyer nga Protothema

Edi Rama

TIRANË- Plani i krijimit të “Vatikanit bektashi” në Tiranë ka sjellë shumë reagime brenda dhe jashtë Shqipërisë. Si një përgjigje të tërthortë për kritikët, kryeministri Edi Rama me anë të një postimi në 'X' ka rekomanduar një libër për të njohur historinë dhe kulturën e Urdhrit Bektashi. Rama ka publikuar librin e autorit Robert Elsie, i cili titullohet “Bektashinjtë shqiptarë, Historia dhe kultura e një rendi dervishësh në Ballkan”. Kreu i qeverisë shkruan se Urdhri Bektashi është një thesar që Shqipëria duhet të ofrojë në shërbim të paqes, tolerancës dhe humanizmit si një ent sovran shpirtëror me qendër në Tiranë.

Edi Rama: Një libër i mrekullueshëm për këdo që është i interesuar të mësojë më shumë për historinë dhe kulturën unike të Urdhrit Bektashi, një thesar që Shqipëria duhet të ofrojë në shërbim të paqes, tolerancës dhe humanizmit si një ent sovran shpirtëror me qendër në Tiranë, ku bektashinjtë Selia botërore është krijuar prej kohësh dhe më pas është ringjallur nga hiri i diktaturës ateiste komuniste.

Kryeministri Edi Rama në një intervistë për 'The New York Times' thotë se dëshiron t'u japë anëtarëve të Bektashinjve, enklavën e tyre të stilit të Vatikanit si një mënyrë për të promovuar tolerancën fetare. Rama tha se qëllimi i shtetit të ri ishte të promovonte një version tolerant të Islamit me të cilin krenohet Shqipëria. Kreu i qeverisë shprehet se në të ardhmen e afërt do të shpallë planet për entitetin, që do të quhet Shteti Sovran i Urdhrit Bektashi. Në një reagim zyrtar, Selia Botërore e Bektashinjve shprehet se ky hap historik synon të njohë Urdhrin Bektashi si një shtet të pavarur, vetëqeverisë, i përkushtuar për të mbështetur traditën e tij shekullore të moderimit dhe përfshirjes shpirtërore. Selia Botërore e Bektashinjve shton gjithashtu se kjo nismë nuk ka të bëjë me vetëvendosjen dhe se nuk kërkojnë që të kenë ndikim apo pushtet politik./ZËRI

Edi Rama

TIRANË- Plani i kryeministrit Edi Rama për krijimin e një shteti të ri bektashi në Shqipëri ka bërë jehonë edhe në Turqi, në vendlindjen e kësaj feje. Mediat turke kanë pasur përplasje në shkrimet e tyre, ku disa e kanë parë njëlloj si vetë Rama, një nismë për të nxjerrë në pah traditën shqiptare të bashkëjetesës fetare, e disa të tjera e kanë kundërshtuar. Hurriyet Daily News, një nga mediat më të njohura turke shkruan se do të lejohet alkooli, si dhe gratë do të mund të veshin çfarë të duan e nuk do të kenë rregulla të stilit të jetesës.

Ilir Meta

TIRANË- Presidenti i Partisë së Lirisë, Ilir Meta ka folur për idenë e krijimit të “Vatikanit bektashi” në Tiranë. Në një deklaratë për mediat nga selia e Partisë së Lirisë, Meta tha se kjo ide është e mirëpritur, por sulmoi kryeministrin Edi Rama duke thënë se e përdor këtë nismë për qëllime politike, duke përmendur edhe afërsinë e datës së zgjedhjeve. Sipas tij, kjo ide mund të kthehet në precedent për rajonin tonë.

PJESË NGA KONFERENCA:

Si e komentoni urdhërin e Bektashinjëve?

Ilir Meta: Grabitësi më i madh në këto 34 vite të bektashinjëve dhe të gjithë komuniteve fetare hodhi idenë për krijimin e një shteti sovran në prag të zgjedhjeve elektorale në mënyrë të njëanëshme, të pakonsltuar, të paqartë dhe në kundërshtim me frymën e Kushtetutës. Çdo përpjekje politike dhe diplomatike për të promovuar jo vetëm vlerat fetare dhe për të identifikuar Shqipërinë si qendër të bektashizimit është e mirëpritur, por nuk mund të përdoret për axhenda personale të momentit.

Kryeministri Edi Rama prezantoi edhe në OKB planin për të shpallur Urdhrin e Bektashinjve në Tiranë, si një shtet sovran brenda territorit të Shqipërisë. I pranishëm në Selinë e Kombeve të Bashkuara, Rama përsëriti deklaratën që dha për New York Times, duke shtuar se burimi i frymëzimit për këtë nismë është bërë Shënjtorja Nënë Tereza. Sipas kryeministrit, një shtet sovran brenda Tiranës, do të jetë një qendër e re moderimi, tolerance e bashkëjetese të paqtë. Nga ana tjetër dhe vetë Selia Botërore e Bektashinjve ka mirëpritur shpalljen e nismës së jashtëzakonshme për krijimin e Urdhrit Bektashi si një entitet plotësisht Sovran. Në një reagim zyrtar, Selia Botërore e Bektashinjve shprehet se ky hap historik synon të njohë Urdhrin Bektashi si një shtet të pavarur, vetëqeverisë, i përkushtuar për të mbështetur traditën e tij shekullore të moderimit dhe përfshirjes shpirtërore. Selia Botërore e Bektashinjve shton gjithashtu se kjo nismë nuk ka të bëjë me vetëvendosjen dhe se nuk kërkojnë që të kenë ndikim apo pushtet politik. E vetmja gjë që synojnë, sipas reagimit zyrtar, është liria për të vazhduar traditën e moderimit shpirtëror dhe përfshirjes fetare.

FJALA E PLOTË E METËS:

Grabitësi më i madh në këto 34 vite të pronave të Bektashinjve dhe të gjithë komuniteteve fetare në vendin tonë , hodhi idenë për krijimin e “Shtetit Sovran të Urdhrit Bektashi” në prag të zgjedhjeve elektoral në mënyrë tërësisht të njëanshme, të pakonsultuar, të paqartë dhe në kundërshtim me frymën e Kushtetutës që sanksionon se “Republika e Shqipërisë është shtet unitar dhe i pandashëm”, kjo është një shashkë njëkohësisht, për të larguar vëmendjen nga skandalet dhe aferat e tmerrshme korruptive ku Edi Rama është përfshirë vet si dhe problemet shumë të rënda me të cilat përballet Shqipëria nga keqqeverisja e tij. Çdo përpjekje politike dhe diplomatike për të promovuar jo vetëm një nga vlerat tona kombëtare, tolerancën e mrekullueshme ndërfetare, por edhe për të identifikuar Shqipërinë me qendrën botërore të bektashizmit është e mirëpritur, por kurrsesi ajo jo vetëm nuk mund të keqpërdoret në funksion të axhendave elektorale të momentit apo okulte, aq më tepër kur nuk janë të konsultuara dhe të mirëstrukturuara dhe kur rrezikojnë të kthehen në një precedent të rrezikshëm për rajonin tonë, ku ende gëlojnë idetë ogurzeza dhe fantazmat e ndryshimit të kufijve,një nga nxitësit kryesorë, ka qenë dhe mbetet Edi Rama, me qëllim destabilizimin dhe cënimin e stabilitetit dhe paqes të arritur me aq shumë gjak dhe sakrifica. Edi Rama, në 11 vite në pushtet ka dëshmuar me prova dhe këtë e dinë shumë mirë të gjitha komunitetet fetare, se jo vetëm nuk i respekton por është edhe shkelësi më i madh i lirive dhe të drejtave të komuniteteve fetare, si dhe grabitësi dhe tjetërsuesi më i madh i pronave të tyre, sidomos të atyre në zonat bregdetare edhe në zonat më të lakmueshme për të ashtuquajturit investitorë strategjikë të Edi Ramës. Keqpërdorimi i fesë bektashiane dhe cdo besimi tjetër, për qëllime dhe nisma okulte është i papranueshëm. Bektashianët kanë qenë atdhetarë nga më të shkëlqyerit në të gjitha kohët. Bektashizmi dhe shqiptarizmi kanë qenë një dhe të pandarë. Bektashinjtë kanë qenë gjithmonë në krye të Rilindjes së vërtetë Kombëtare, të lëvizjeve për çlirim, pavarësi e krijim të shtetit shqiptar dhe kurrë nuk kanë luftuar për krijimin e një shteti me bazë fetare por për Shqipërinë. Deviza bektashiane “Pa atdhe nuk ka fe” është një amanet që duhet ta ruajmë si sytë e ballit, pork jo vlen për të gjithë njerëzit, të cilët vërtet besojnë te atdheu dhe besojnë te feja, dhe jo për një të pafe që është grabitësi më I madh në 34 vite në vend, I pronave të Komunitetit Bektashi edhe të gjithë besimeve dhe Komuniteteve të tjera fetare. Në këtë rast dua të konfiroj atë që u vendos dhe në Konventën historike të 27- prillit të Partisë së Lirisë se: Partia e Lirisë, me ardhjen në pushtet, brenda një viti do të kthejë të gjithë pronat ose do ti kompesojë të gjitha komunitetet fetare, sepse është një e drejtë e cila u është mohuar qëllimisht vetëm për shkak të korrupsionit dhe të asgjëje tjetër, ashtu sic Ilir Meta kur ishte Kryeministër, i ktheu pronën ku është sot Katedralja, Komunitetit Ortodoks, I ktheu pronat e Komunitetit Mysliman në Fier e kudo ku pati mundësi, mbështeti të gjitha komunitetet fetare. Është detyra e shtetit të angazhohemi seriozisht për të kthyer pronat dhe këtë të bëjë Edi Rama, I ka të gjitha mundësitë tja u kthejë pronat që tani se këto idetë e tjera të tij janë aventura të cilat tashmë shqiptarët I dinë mirë dhe së dyti, mos harrojmë edhe dicka tjetër se Shqipëria ka vetëm një Kushtetutë, por ka edhe një process të pakthyeshëm të Integrimit Europian./ZËRI

Edi rama dhe Baba Mondi

TURQI- Plani i kryeministrit Edi Rama për krijimin e një shteti të ri bektashi në Shqipëri ka bërë jehonë edhe në Turqi, në vendlindjen e kësaj feje. Mediat turke kanë pasur përplasje në shkrimet e tyre, ku disa e kanë parë njëlloj si vetë Rama, një nismë për të nxjerrë në pah traditën shqiptare të bashkëjetesës fetare, e disa të tjera e kanë kundërshtuar.

Ja cfarë shkruan Hurriyet Daily News, një nga mediat më të njohura turke:

Kryeministri Edi Rama konfirmoi përpara liderve botërorë planin për të krijuar një "Shtet Sovran të Urdhrit Bektashi" në Tiranë, për të "promovuar një version tolerant të Islamit për të cilin Shqipëria është krenare". Rama zbuloi vizionin e tij për një enklavë të stilit të Vatikanit por për besimin bektashi, një degë e islamit.

“Ne duhet të kujdesemi për këtë thesar, që është toleranca fetare dhe që nuk duhet ta marrim kurrë si të mirëqenë”, tha Rama duke theksuar synimin e nismës për të nxjerrë në pah traditën shqiptare të bashkëjetesës fetare.

Shteti i propozuar, që pritet të jetë sa një e katërta e qytetit të Vatikanit, por do t'i mungojnë tiparet tradicionale sovrane si ushtria, rojet kufitare ose gjykatat. Shteti i ri do të lejojë alkoolin, do t'i lejojë gratë të veshin çfarë të duan dhe nuk do të vendosin rregulla të stilit të jetesës. Çështja e pasaportave është ende për t'u diskutuar. Kryeministri pranoi se disa ndihmës ishin në dijeni të planit, por jo aleatët e NATO-s dhe SHBA-të.

"Zoti nuk ndalon asgjë; prandaj na dha mendjen,"- tha kleriku Edmond Brahimaj, i njohur nga ndjekësit si Baba Mondi.

“Të gjitha vendimet do të merren me dashuri dhe mirësi,” tha Baba Mondi, 65 vjeç, një ish-oficer i Ushtrisë Shqiptare, i cili nderohet nga miliona njerëz në mbarë botën me titullin e tij zyrtar, Shenjtëria e Tij Haxhi Dede Baba. Ai është udhëheqësi kryesor i Bektashinjve, një rend sufi shiit i themeluar në shekullin e 13-të në Turqi, por tani me qendër në Shqipëri.

Të dhënat e fundit të regjistrimit të popullsisë në Shqipëri treguan se bektashinjtë përbënin 115,000 nga 2.4 milionë banorët e vendit.

Kryeministri Edi Rama prezantoi edhe në OKB planin për të shpallur Urdhrin e Bektashinjve në Tiranë, si një shtet sovran brenda territorit të Shqipërisë. I pranishëm në Selinë e Kombeve të Bashkuara, Rama përsëriti deklaratën që dha për New York Times, duke shtuar se burimi i frymëzimit për këtë nismë është bërë Shënjtorja Nënë Tereza. Sipas kryeministrit, një shtet sovran brenda Tiranës, do të jetë një qendër e re moderimi, tolerance e bashkëjetese të paqtë. Nga ana tjetër dhe vetë Selia Botërore e Bektashinjve ka mirëpritur shpalljen e nismës së jashtëzakonshme për krijimin e Urdhrit Bektashi si një entitet plotësisht Sovran. Në një reagim zyrtar, Selia Botërore e Bektashinjve shprehet se ky hap historik synon të njohë Urdhrin Bektashi si një shtet të pavarur, vetëqeverisë, i përkushtuar për të mbështetur traditën e tij shekullore të moderimit dhe përfshirjes shpirtërore. Selia Botërore e Bektashinjve shton gjithashtu se kjo nismë nuk ka të bëjë me vetëvendosjen dhe se nuk kërkojnë që të kenë ndikim apo pushtet politik. E vetmja gjë që synojnë, sipas reagimit zyrtar, është liria për të vazhduar traditën e moderimit shpirtëror dhe përfshirjes fetare./ ZËRI