Incidenti i presidentes Osmani në aeroportin e Shkupit, zv.kryeministri i Maqedonisë: Ishte keqkuptim!
MAQEDONIA E VERIUT- Zëvendëskryeministri i parë i Maqedonisë së Veriut, Izet Mexhiti ka konfirmuar incidentin në aeroportin e Shkupit dhe konfrontimin e presidentes së Kosovës, Vjosa Osmani me sigurimin, pasi kësaj të fundit iu kërkua të hapë valixhet e saj dhe të tregojë se çfarë kishte në to, por ka refuzuar. Sipas tij gjithçka është në rregull dhe më shumë situata ka qenë një keqkuptim.
“Jemi duke u marrë me rastin në fjalë. Do ketë kumtesë për media. Ka qenë më shumë keqkuptim, gjithçka është në rregull”, tha Mexhiti.
Ngjarja u raportua këtë mbrëmje nga mediat e Kosovës. Mediat e Kosovës shkruajnë se Presidentja e Kosovës, Vjosa Osmani është ndaluar nga forcat e sigurisë në aeroport. Këta të fundit kanë tentuar që t'i bllokojnë celularin personal Presidentes. Nga ajo që raportohet, Osmani është përplasur fizikisht me forcat e sigurisë. Më pas, ka kërkuar ndihmë nga Kreu i Kuvendit të Maqedonisë së Veriut, Afrim Gashi. /ZËRI
Skandali diplomatik me Osmanin, Ministria në RMV: Donte të kalonte pa skanuar bagazhet dhe celularin
MAQEDONI E VERIUT- Ministria e Punëve të Brendshme e Maqedonisë së Veriut ka dhënë versionin e saj në lidhje me skandalin diplomatik të ndodhur në aeroportin e Shkupit me Presidenten e Kosovës, Vjosa Osmani.
Në njoftimin zyrtar, thuhet se Presidentja ka tentuar të kalojë celularin dhe bagazhin pa i skanuar ato. Sipas, MPB-së, në momentin kur Osmanit iu kërkua që telefonin ta kalonte përmes skanerit, një person nga sigurimi i saj është distancuar, me qëllim që ajo të kalonte pa telefon të skanuar dhe bagazh dore.
“Por më pas bagazhi u kthye dhe kaloi përmes një skaneri. Pas gjysmë ore erdhi një person nga sigurimi i kryetarit të Kuvendit Gashi (polic) me dy persona të tjerë (polic) dhe filluan të kërcënojnë punëtorët e TAV-së dhe të pyesin se kush i ka shkaktuar probleme presidentit. Në të njëjtën kohë ka shtyrë edhe një punonjës policie që punonte në pikën kufitare,”- thuhet në njoftim.
“Menjëherë pas kësaj është njoftuar Departamenti për Kontroll të Brendshëm, Hetime Kriminale dhe Standarde Profesionale dhe se po merren masa për zbardhjen e rastit,”- shton Ministria e Punëve të Brendshme të Maqedonisë së Veriut.
Ngjarja u raportua këtë mbrëmje nga mediat e Kosovës. Mediat e Kosovës shkruajnë se Presidentja e Kosovës, Vjosa Osmani është ndaluar nga forcat e sigurisë në aeroport. Këta të fundit kanë tentuar që t'i bllokojnë celularin personal Presidentes. Nga ajo që raportohet, Osmani është përplasur fizikisht me forcat e sigurisë. Më pas, ka kërkuar ndihmë nga Kreu i Kuvendit të Maqedonisë së Veriut, Afrim Gashi.
Skandali diplomatik me Osmanin, Presidenca: I morën çantën, sjellje e paprecedentë, dukej qartë që delegacioni ynë po provokohej
KOSOVË- Presidenca e Kosovës ka dalë me një njoftim zyrtare lidhur me skandalin diplomatic të ndodhur në Shkup me Presidenten Vjosa Osmani. Bekim Kupina, Këshilltar për Media në presidencë, thotë për Gazetën Express se sigurimi i Aeroportit të Shkupit ka tentuar t’ia marrë telefonin personal Presidentes, gjë të cilën nuk e ka lejuar Osmani. Megjithatë, Kupina shton se pala maqedonase ka marrë çantën personale të dorës së Presidentes Osmani, duke përdorur forcën. Kupina shton se sjellja e sigurimit ishte e paprecedentë dhe nuk ka ndodhur askund tjetër ndaj presidentes Osmani, përveç në Aeroportin e Shkupit.
“Ne kundërshtim me praktikat ndërkombëtare dhe Konventën e Vjenës për Marrëdhënie Diplomatike, sigurimi i Aeroportit të Shkupit ka tentuar ta marrë telefonin personal të Presidentes. Presidentja nuk ka lejuar një gjë të tillë, sepse do të ishte shkelje e rëndë. Përkundër shpjegimit të rregullave qe ekipi i Presidentes ia ka bërë të ditur zyrtarit të aeroportit, ai ka tentuar fizikisht ta shtyjë Presidenten me ç’rast është detyruar që të reagojë Policia e Kosovës për ta hapur rrugen. Kjo sjellje e zyrtarit maqedonas të aeroportit është në kundërshtim me çdo praktikë ndërkombëtare, sipas të cilave kur krerët e shtetit udhëtojnë, ata mbrohen me privilegje e imunitete diplomatike. Në kundërshtim me këto rregulla, pala maqedonase ka marrë çantën personale të dorës së presidentes. Edhe pse kjo ishte kundër rregullave, ekipi i Presidentes e ka lejuar në mënyrë që Presidentja të hyjë në aeroport, konkretisht në sallën VIP, e cila ishte rezervuar me notë verbale të Ambasadës sonë, siç është praktika për udhëtimet e krerëve të shtetit. Mirëpo, për arsye të sigurisë, në asnjë mënyrë nuk është lejuar që të dorëzohet telefoni personal. Sjellja arrogante dhe e dhunshme e zyrtarit të Aeroportit të Shkupit është e paprecedente dhe nuk ka ndodhur asnjëherë në asnjë udhëtim të presidentes kudo në botë, përfshirë në shtete jonjohëse. Vërehet qartë se në rastin në fjalë kishte tendencë për ta provokuar delegacionin e Republikës së Kosovës dhe për të shkaktuar incident. Vlen të përmendet se pas hyrjes së Presidentes në aeroplan, Aeroporti i Shkupit nuk e ka lejuar aeroplanin komercial të niset edhe për më shume se një orë, me pretekstin se shteti slloven nuk po e lejon nisjen, për shkak se nuk do të ishte gati për aterrim. Kabineti i Presidentes e ka kontaktuar palën sllovene të cilët na kanë informuar që një gjë e tillë absolutisht nuk është e vërtetë dhe se aeroplani do të mund të ateronte në kohën e planifikuar. Presidenca e konsideron çdo sulm dhe trajtim të parregullt e në kundershtim me konventat ndërkombëtare të zyrtarëve të lartë shtetëror si sulm ndaj vete shtetit të Kosovës. Republika e Kosovës, asnjëherë në historinë e saj, nuk ka trajtuar në menyrë të tillë Presidentin/Presidenten, Kryeministrin apo Ministrat e Maqedonisë së Veriut e as të ndonjë vendi tjetër e as nuk do të lejojë një ndonjëherë një gjë të tillë,”- tha Kupina.
Ngjarja u raportua këtë mbrëmje nga mediat e Kosovës. Mediat e Kosovës shkruajnë se Presidentja e Kosovës, Vjosa Osmani është ndaluar nga forcat e sigurisë në aeroport. Këta të fundit kanë tentuar që t'i bllokojnë celularin personal Presidentes. Nga ajo që raportohet, Osmani është përplasur fizikisht me forcat e sigurisë. Më pas, ka kërkuar ndihmë nga Kreu i Kuvendit të Maqedonisë së Veriut, Afrim Gashi.
Skandal diplomatik në Shkup! Vjosa Osmanit tentojnë t'i marrin celularin në aeroport, përplaset me sigurimin
MAQEDONI E VERIUT- Një skandal diplomtik ka ndodhur në aeroportin e Shkupit. Mediat e Kosovës shkruajnë se Presidentja e Kosovës, Vjosa Osmani është ndaluar nga forcat e sigurisë në aeroport. Këta të fundit kanë tentuar që t'i bllokojnë celularin personal Presidentes. Nga ajo që raportohet, Osmani është përplasur fizikisht me forcat e sigurisë. Më pas, ka kërkuar ndihmë nga Kreu i Kuvendit të Maqedonisë së Veriut, Afrim Gashi.
