Frikë nga hakmarrja, merret në mbrojtje Blerina Meta, kunetërit s’e lejuan të merrte pjesë në varrim
DURRËS- Pasi nuk është lejuar që të marrë pjesë në ceremoninë mortore të bashkëshortit të saj, Policia e Durrësit ka marrë në mbrojtje Blerina Metën, pasi i druhet ndonjë konflikti të mundshëm mes saj dhe vëllezërve të viktimës. Burime bëjnë me dije për ZËRIN, se Blerina Meta është shoqëruar nga efektivë policie deri në Laç, ku ka shkuar pranë familjarëve të saj.
Policia i druhet ndonjë hakmarrje nga vëllezërit e viktimës, pasi vetë ajo dyshohet se ka qenë në dijeni të vrasjes, dhe nuk i ka denmoncuar fëmijët e saj. Ceremonia mortore e të ndjerit u bë nga vëllezërit e tij, ndërsa 3 fëmijët ndodhen pas hekurave.
Pëllumb Meta u vra nga djali i tij me armë zjarri. Ngjarja e rëndë u zbardh vetëm një ditë më parë, pas hetimeve 10 ditore nga Policia e Durrësit, për shkak se 50-vjeçari ishte deklaruar i zhdukur. Fillimisht ishte vajza e familjes Meta, 19-vjeçari Hygerta Meta që mori përsipër krimin e rëndë, duke dëshmuar se e kishte vrarë ajo babanë pasi donte ta fejonte pa dëshirë. Por pas hetimeve dhe ekzaminimeve të armës, ku edhe u zbuluan gjurmët e gishtërinjve, rezultoi se vrasja është kryer nga 25-vjeçari Hysen Meta. /ZËRI
Si u vra Pëllumb Meta nga fëmijët e tij
DURRËS- Pëllumb Meta, 50-vjeçari që u vra nga 3 fëmijët e tij, do të përcillet sot për në banesën e fundit, ndërsa ceremonia mortore do të kryhet në banesën e të vëllait të tij. Kjo për shkak se 3 fëmijët e Metës gjenden pas hekurave nën akuzë për vrasjen e tij, ndërsa e shoqja nën hetim për shkak se nuk ka kallëzuar krimin.
Djali 25-vjeçar, Hysen Meta, që dyshohet se është edhe ekzekutori, ka deklaruar në polici të gjithë skenën si ndodhi vrasja, se si e kishin planifikuar krimin së bashku me motrën dhe vëllanë më të vogël. Ai ka treguar se babanë e ka qëlluar 4 herë me pistoletë në dhomën e ndenjes, dhe më pas e kanë zhveshur dhe mbështjellë me çarçafë, duke i fshehur trupin.
Ata e groposën trupin e pajetë në kasollen e bagëtive, ndërsa më pas thurën dhe skenarin për zhdukjen e tij, duke ia çuar makinën në një zonë tjetër të Durrësit. Sipas Hysen Metës, babai i tyre ishte shndërruar në një person të padurueshëm, dhe se donte që ta fejonte motrën me një person pa dëshirën e saj.
Konfliktet në familje duket se kanë qenë të vazhdueshme, ndërkohë që bashkëshortja e Pëllumb Metës, Blerina, ka qenë në dijeni të krimit, por nuk ka denoncuar fëmijët e saj. Fillimisht vrasja u mor përsipër nga 19-vjeçarja Hygerta Meta, por pas mbledhjes së provave, rezultoi se ekzekutori ishte pikërisht Hysen Meta. Vrasja ka ndodhur mesditën e datës 10 Shkurt, ndërsa 3 ditë më pas ekzekutori shkoi dhe e deklaroi të zhdukur babanë e tij në polici.
Sot varrimi i Pëllumb Metës, gruaja e tij mban anën e fëmijëve?
DURRËS- Pëllumb Meta do të përcillet sot për në banesën e fundit në Shënavlash të Durrësit, ndërsa ceremonia mortore po kryhet në banesën e vëllait të tij.
Mësohet se bashkëshortja e 50-vjeçarit, Blerina, nuk ka shkuar në ceremoninë mortore, duke u pozicionuar në këtë mënyrë në krahë të fëmijëve të saj.
Edhe në deklarimet e saj në polici, Blerina Meta ka deklaruar se bashkëshorti i saj ishte i dhunshëm, ndërsa është vënë nën hetim për moskallëzim krimi.
Djali 25-vjeçar i Pëllumb Metës, Hyseni, që dyshohet se është edhe ekzekutori, ka deklaruar në polici të gjithë skenën si ndodhi vrasja, se si e kishin planifikuar krimin së bashku me motrën dhe vëllanë më të vogël. Ai ka treguar se babanë e ka qëlluar 4 herë me pistoletë në dhomën e ndenjes, dhe më pas e kanë zhveshur dhe mbështjellë me çarçafë, duke i fshehur trupin.
Ata e groposën trupin e pajetë në kasollen e bagëtive, ndërsa më pas thurën dhe skenarin për zhdukjen e tij, duke ia çuar makinën në një zonë tjetër të Durrësit. Sipas Hysen Metës, babai i tyre ishte shndërruar në një person të padurueshëm, dhe se donte që ta fejonte motrën me një person pa dëshirën e saj. Konfliktet në familje duket se kanë qenë të vazhdueshme, ndërkohë që bashkëshortja e Pëllumb Metës, Blerina, ka qenë në dijeni të krimit, por nuk ka denoncuar fëmijët e saj.
Fillimisht vrasja u mor përsipër nga 19-vjeçarja Hygerta Meta, por pas mbledhjes së provave, rezultoi se ekzekutori ishte pikërisht Hysen Meta. Vrasja ka ndodhur mesditën e datës 10 Shkurt, ndërsa 3 ditë më pas ekzekutori shkoi dhe e deklaroi të zhdukur babanë e tij në polici./ZËRI
‘Ishte bërë i padurueshëm’, Hysen Meta: Planin për ta vrarë e thurëm në mëngjes, e zhveshëm dhe i fshehëm trupin
DURRËS- Është zbardhur dëshmia e Hysen Metës, 25-vjeçarit që ka vrarë babanë e tij, Pëllumbin, në bashkëpunim me motrën 19-vjeçare dhe vëllanë 21-vjeçar. Gjatë dëshmisë së tij në polici, Hysen Meta ka treguar të gjithë skenarin si ka ndodhur ngjarja, se si e ka qëlluar babanë gjatë kohës që ai ka qenë duke pushuar në divan, dhe se si më pas kanë fshehur gjurmët në bashkëpunim me motrën dhe vëllanë. Sipas tij babai ishte bërë i padurueshëm në familje, dhe për këtë ata kanë thurur planin për ta vrarë.
“Planin për vrasjen e babait e bëmë së bashku me motrën sepse ai ishte bërë i padurueshëm në familje. Për gjithçka në familje duhej të vendoste ai dhe të bëhej si thoshte ai. Ishte e pamundur që ta kundërshtoje. E fundit ishte vendimi për të fejuar motrën me një person që nuk e kishim idenë se kush ishte në kundërshtim me dëshirën e saj. Në këto kushte vendosëm ta vrisnim e të zhduknim gjurmët. Vendosëm ta vrisnim me pistoletën e tij. Kështu që në mëngjes bëmë planin për ta vrarë.
Pasdite babai ishte shtrirë në divan dhe po pushonte. Në dhomë me mua ishte edhe motra. I thashë babait çohu. Ai u çua në këmbë dhe pastaj unë e qëllova 4 herë me pistoletë. Më pas u morëm me zhdukjen e gjurmëve. E zhveshëm dhe e mbështollëm me plasmas. E transportuam te kasollja dhe aty e varrosëm.
Më vonë larguam dhe makinën. Shkuam me dy makina në sektorin Rinia. Unë me makinën e babait kurse vëllai me një makinë tjetër që ja morëm një shokut tonë të cilit i thamë se na duhej për nja një orë makina e tij. E lamë makinën e babait atje dhe u kthyem me makinën e shokut që e ngiste vëllai im. Pastaj me datën 13 unë u paraqita në polici dhe denoncova largimin e babait nga shtëpia”, është shprehur Hysen Meta para grupit hetimor.
Sipas policisë, Pëllumb Meta është vrarë në datën 10 Shkurt, ndërsa 3 ditë më pas Hysen Meta do ta deklaronte të zhdukur. /ZËRI
E gjithë familja e përfshirë në vrasje, ceremonia mortore e Pëllumb Metës kryhet te i vëllai
DURRËS- Trupi i 50-vjeçarit Pëllumb Meta, i cili u vra dhe u gropos nga fëmijët e tij, do të prehet nga sot në varreza.
Mësohet se ceremonia mortore do të bëhet sot, më 24 shkurt, te shtëpia e vëllait të tij dhe përcjellja për në varrezat e fshatit Shënvlash në orën 11:00, pasi shtëpia ku Pëllumb Meta jetoi me bashkëshorten dhe fëmijët tërë jetën është e mbyllur.
Djemtë e tij, Hyseni dhe Amarildo si edhe e bija, Hygerta, të tre tek të njëzetat, janë arrestuar tashmë nga Policia për vrasjen e tij, kurse ndaj së shoqes, Blerinës, ka nisur procedimi penal për veprime që penguan zbulimin e së vërtetës. Si rrjedhim, me të gjithë familjen në Polici dhe të përfshirë në vrasjen e kryefamiljarit, nuk ka mbetur askush për ta përcjellë në banesën e fundit nga njerëzit e tij më të afërt.
3 fëmijët e tij ndodhen pas hekurave, nën akuzën e vrasjes në bashkëpunim, ndërsa bashkëshortja nën hetim për fshehjen e krimit./ZËRI
Krimi që tronditi Durrësin, nga plani për vrasjen te fshehja e trupit, roli i 3 fëmijëve dhe gruas së Pëllumb Metës
DURRËS- Kur kanë kaluar rreth 24 orë nga zbulimi i një krimi tronditës nga Policia e Durrësit, tashmë skena është më e qartë, duke shtuar dhe numrin e personave të përfshirë, të gjithë familjarë të viktimës Pëllumb Meta. Ndryshe nga sa u raportua fillimisht se 50-vjeccari u vra nga vajza e tij, Hygerta Meta, e cila mori përsipër edhe krimin, policia tashmë ka të dyshuar kryesor djalin e madh, Hysen Meta. Arrestimi i tij u njoftua nga policia pasditen e djeshme, ndërsa në pranga ra dhe vëllai i tij më i vogël, i cili dyshohet se ka ndihmuar në fshehjen e trupit.
Shkak për ngjarjen e rëndë dyshohet dhuna e vazhdueshme që kryefamiljari ushtronte ndaj gruas dhe fëmijëve të tij, ndërsa tashmë duket se është rrëzuar edhe alibia që ngriti vajza, për një fejesë me detyrim që babai donte ti bënte asaj me një djalë nga fshati, që jetonte si emigrant në shtetin italian. Sherret e vazhdueshme në familje, duket se kanë qenë shkak që fëmijët të planifikonin vrasjen e babait të tyre, fshehjen e trupit, dhe më pas ngritjen e një skenari për zhdukjen e tij.
Vrasja e Pëllumb Metës dyshohet se ka ndodhur në një prej dhomave të banesës në datën 10 Shkurt, ndërsa 3 ditë më vonë djali i madh do të shkonte në polici, dhe do të deklaronte zhdukjen e tij. Pjesë e planit të fëmijëve ka qenë dhe zhvendosja e makinës nga banesa, në zonën e sektorit Rinia në Durrës, por harruan një detaj që ishte aparati celular, të cilin policia e gjurmoi dhe e gjeti në banesë.
Edhe pse sipas policisë nuk ka marrë pjesë në vrasje, Blerina Meta, nëna e tre fëmijëve ka qenë në dijeni të krimit, dhe nuk ka rrëfyer. Për këtë shkak ndaj saj kanë nisur hetimet në gjendje të lirë, ndërsa të tre fëmijët e saj tashmë ndodhen pas hekurave.
Familja Meta ishte vendosur prej disa vitesh në zonën e Shënavlashit në Durrës, ndërkohë që ishin me origjinë nga qyteti i Krujës. Prindër të 4 fëmijëve, një prej tyre e martuar, Blerina rrëfeu në polici, para se ngjarja të zbardhej plotësisht, se burri i saj kishte qenë një prind autoritar, dhe nëse e kundërshtonin anëtarët e tjerë të familjes, ai bëhej dhe i dhunshëm.
SI NDODHI VRASJA
Vrasja e Pëllumb Metës dyshohet se ka ndodhur në datën 10 Shkurt, ku Hysen Meta e ka qëlluar babanë e tij me 4 plumba, me pistoletën që vetë kryefamiljari e kishte pa leje. Pas ngjarjes së bashku me të motrën e tij, ata hapën një gropë në kasollen e bagëtive për të fshehur trupin të cilin e kishin mbuluar me batanije dhe me qese. Në fshehjen e trupit ka ndihmuar dhe djali më u vogël i familjes, Amarildo Meta, ndërsa shenjat e gishtave të tyre u gjetën në qesen me të cilën ishte mbështjellë trupi i pajetë u babait.
INSKENIMI I ZHDUKJES
Duke qenë se fëmijët kanë mundur ta kenë kohën në dispozicion për të menduar mekanizmin se si të vepronin, ata kanë vendosur të zhdukin armën e krimit, e cila u gjet në një kanal mesditën e djeshme, të çojnë automjetin në një vend larg shtëpie, të kujdesen që brenda banesës të mos kishte asnjë gjurmë, e për pasojë, pas tri ditësh, djali i madh ka bërë edhe denoncimin e zhdukjes.
DËSHMIA E VAJZËS
Në momentin që policia ka mbërritur në banesën e familjes Meta, me indicie se Pëllumb Meta ishte vrarë, vajza e tij Hygerta ishte ajo që mori përsipër krimin e rëndë. Por dëshmitë e saj kontradiktore, dhe provat e gjetura më pas, provuan se ajo ishte thjesht bashkëpunëtore, dhe jo ekzekutore në vrasjen e të atit. Hygerta në versionin e saj të parë në polici, tha se e kishte vrarë vetë të atin dhe e kishte varrosur e vetme në kasollen ngjitur me shtëpinë. Ajo ka qenë kontradiktore dhe për armën e përdorur në vrasje, ku tha fillimisht se e kishte hedhur në det, ndërsa arma u gjet në një zonë pranë banesës së tyre. Pas skenarit të fejesës, ajo ka pranuar zënkat e vazhdueshme në familje, ndërsa policia më pas ka mbajtur nën vëzhgim të gjithë anëtarët e tjerë të familjes.
DËSHMIA E HYSEN METËS
Përgjatë ditës së djeshme, policia ka shoqëruar edhe tre pjesëtarët e tjerë, ndërkohë pas rezistencës së tyre që nuk kanë dijeni për çfarë ka ndodhur, djali i madh është dorëzuar: “Po, e vrava unë! E vrava se donte ta fejonte motrën pa lejen e saj”!
Policia ka rimarrë sërish në pyetje vajzën, e cila sërish ka këmbëngulur se e ka bërë vetë vrasjen se i ati i kishte nxirë jetën, se nuk donte ta linte të vazhdonte shkollën, se nuk ishte e penduar, se personi që ai kishte zgjedhur për ta fejuar nuk ishte i duhuri për të. Vajza 19 vjeçe ka vijuar të mbrojë vëllezërit për t`i lënë jashtë historisë së krimit horror, pa e ditur që vëllai i madh, jo vetëm kishte pranuar krimin, por kishte treguar se motra nuk kishte asnjë faj. Hygerta Meta u rikthye pranë banesës për të treguar krimin, por ajo i qëndroi deri në fund vendimit për të marrë përsipër të gjithë fajin.
ÇFARË DEKLAROI POLICIA
Sipas policisë dhe prokurorisë së Durrësit, djali i madh Hyseni, 25 vjeç dhe vajza e vogël, Hygerta, 19 vjeçe janë bashkautorë në vrasjen e të atit ndërsa djali tjetër Amarildo, 21 vjeç, ka ndihmuar vëllanë dhe motrën për fshehjen e kufomës. E ëma Blerina akuzohet se fshehu krimin. Drejtori i Policisë së Durrësit, Skënder Hita doli pasdite në një konferencë për median ku zbardhi gjithë dinamikën e asaj ngjarje që kishte nisur me denoncimin e 25-vjeçarit më 13 shkurt në polici se i ati ishte zhdukur.
“Nga intensiteti i veprimeve hetimore u arrit të konkludohej më 22 shkurt se nuk kishim të bënim me zhdukje por krimin e rëndë të vrasjes në familje. Të dy fëmijët e viktimës, Hysen Meta, 25 vjeç dhe vajza H.M, 19 vjeçe, kanë qenë bashkautorë në këtë krim të rëndë. Ndërsa djali tjetër Amarildo Meta me veprimet e tij aktive ka ndihmuar vëllanë dhe motrën për fshehjen e kufomës. Hetohet në gjendje të lirë, Blerina Meta, 49 vjeçe nëna e tre fëmijëve pasi ka kryer veprime që pengojnë të vërtetën.
Shtetasit kanë deklaruar se motivi i vrasjes kanë qenë konfliktet e vazhdueshme që kanë pasur dhe nxitja prej babait për një periudhë kohe që vajza të fejohej pa dëshirën e saj”, deklaroi drejtori i Policisë.
/ZËRI
