TIRANË- Kryedemokrati Sali Berisha ka komentuar akuzat e presidentin Trump ndaj George Soros, ndësa faktin për dënimin e këtij të fundit e konsideron një akt historik. Berisha drejton akuza ndaj kryeministrit Rama, duke thënë se së bashku me Soros dhe djalin e tij kanë ngritur atë që ai e quan "narkoshteti".
Pjesë nga fjala e Berishës:
Në një akt historik presidenti i SHBA, shpalli dje, akuzoi George Soros dhe djalin e tij ekstremist të majtë Alex Soros, si organizatë kriminale që kanë ushtruar veprimtari intenisve kundër rendit dhe sigurisë në SHBA. George Soros dhe i biri i tij janë sot mbështetje kryesore të ideologjisë marksiste leniniste dhe pas marksiste leniniste në SHBA dhe botë. Unë ju rikujtoj se 8 vite më parë, kam shpallur George Soros një monstër të njerëzimit. I kam kërkuar senatit dhe kongresit të SHBA që të ndalojnë me ligj veprimtarin e tyre jashtë SHBA. Të njëjtën kërkesë i kam paraqitur edhe PE. Për Shqipërinë e kam konsideruar atë një armik të egër të demokracisë shqiptare. Unë kam kërkuar edhe shpalljen e tij non grata. Gjatë këtyre viteve ai ka përdoror politikën e tij monetare kundër demokracisë në Shqipëri, në mbështetje të një organizate kriminale që kryesohet nga Rama. Soros dhe i biri pas Nju Jorkut, kryeqytetin e dytë më të rëndësishëm në botë kanë pasur Tiranën. Në Tiranë ata me investimet e tyre të pakufijshme financiare, me lobimet e tyre kriminale arritën të transformojnë rendin demokratik dhe kushtetutën e vendit.
Presidenti i SHBA-së, Donald Trump, ka deklaruar se biznesmeni George Soros dhe i biri duhet të ndiqen penalisht me arsyetimin se “kanë mbështetur protestat e dhunshme në SHBA”. Ai ka theksuar se Sorosi dhe i biri nuk do të lejohen të veprojnë lirshëm në Amerikë./ZËRI
